背景：十幾年來做過幾份工，marketing界別，做到Assistant manager位置
之前因身體問題停工咗年半左右，近排搵番工，發現好多公司都係一個人做兩至三個人嘅嘢，有感唔太應付到，已經密密做唔係hea。
真係有需要返工搵錢。好想轉行，有搵過院校、admin類嘅工作，人工寫低咗都完全無回音。
其實有冇辦法轉到行？又有冇咩工唔使OT?
1個讚
ot 係公司文化嚟，當然某啲行業特別多
做零售, call center 呢啲應該收工就收工
有啲難 因為你想搵簡單工 但對方想請冇經驗fresh grad 人工平又後生
一係做住part time先
1個讚
我都係咁諗
畢竟都人到中年
marketing通病，
我老公都係有返工無收工，直對腦細，加埋d客係歐美，開會一時晨早7點一時夜晚8,9點。
依家經濟差, 老闆為維持公司支出, 一人做幾個position 已經係常規… 至於OT, 就睇公司, 我老闆都唔太鐘意做到太夜, 但有時對外國客有時差, 又在所難免… 我公司啱啱請咗個做咗7年全職媽媽再出返嚟做嘅中年女仕, 佢真係脫晒節, 當然佢有佢優點啦… 但老闆都同佢講, 人工就俾唔到高… 佢返工一個月都好肯學同做…
2個讚
Marketing 應該本身呢行都興OT?
我都同意係睇公司文化
一日唔番工一日都唔知d 同事普遍幾點收工
3個讚
最近見的工, 大部份話唔洗OT, 但係實情係勁OT, 如果想轉行又冇呢方面的經驗, CV好多都去左大海, 院校都唔建議做, 實左好困身同人事比較複雜
係，聽過唔同院校exp 都好負面。。。
對呀, 我做開commercial, 真係唔習慣做學校
我而家份工正正係咁，因為我有bb要照顧，以為真係唔洗ot
，同埋啲工作都趕到爆炸
可能marketing本身都多ot.如果你做院校marketing manager都會好多ot 同返星期六日
我做緊院校，十幾年前入行做咗四年，中間做媽咪停咗無返工十幾年，最近又做返，都係send application 去應徵，人哋見我有經驗先有請，不過以前最初做院校，開頭嗰幾年好辛苦，搞自資part time課程，啲學生返學我就要喺度，九點幾先至走。成日搞conference。不過有得補返鐘。搞自資part time就真係好困身。我in過浸大石門校園,呢間pk 嚟，hr 連我以前糧單都要問我攞softcopy，用zoom in,兩文三語都齊，又要written test draft信件，最後唔請之餘仲要email返嚟話unsuccessful
老實好缺人
祝好運
會唔會考慮做contractor? 好多大公司啲operations 位都用contract 形式外判, contractor 會經agency 出糧, benefits 睇客比幾多, 一般黎講當然無full time 咁好, 但都叫有保障 (例如睇醫生), 而且大啲機會準時返工放工 (因為唔係full time staff)
有呢類工？
係香港唔使ot嘅工一係政府，一係人工低冇福利，你自己揀
轉行好大機會初頭人工會跌，因為無果行經驗。
就算係入到行，做耐左都係會越來越忙。
想做準時放工，唔洗點用腦既工，人工一定低又唔會有得加。同埋如果你後生，又做d錦閒既工，好大機會做多幾年就cut埋你個位，到時妳d經驗又普通，好難再揾工。
同埋好得閒的公司，人事多數複雜又是非，因為d人得閒無野做就搞事。
不過另一面看，早轉行都有好處，幾年後你有兩個不同行業的經驗，揾工會多d選擇。