update: 突然醒起返全日的話個囡要打針，都係唔諗了。
首先講返背景，我而家做緊ftm, 老公做野搵萬幾蚊一個月，個女係細B, 經濟真係拮據，就算老公有比家用我都用緊自己私己去生活緊，黎緊終於排到公屋，預計已經要比一大筆錢裝修。
所以諗緊我係味都出返黎做野，搵多個錢好？
而且唔知有無工係可以配合個囡的放學時間，又驚個女病，突然要請假嗰啲。
希望大家比小小意見比我。
讀幼稚園頭兩年係經常病，個個月都幾日唔洗返起碼
要有人手臨時照顧
介紹講下你想搵咩工嗎？
我就係驚呢樣，無老闆鍾意人成日請假，咁樣就2頭唔到岸
全日班都唔平喎
我其實搵咩工都無所謂，最緊要配合個囡的返學放學時間
做收銀，711嗰啲都得，當然最理想係搵文職，本身做開文職HR, 但難有呢類工作可以咁自由囉。
如果我出倒黎做野就一定搞得掂，
我心儀的幼稚園都係幾百蚊一個月。
但就係唔知會唔會咁順利搵倒，如果唔係又係經濟負擔
如果係券校全日班都係幾百蚊至千零蚊啫，我仔仔嗰陣時全日班，一個月學費$700。
不過我覺得而家主要問題係學校會隨時停課，你到時又要揾人湊。真係無家人幫到手？
講緊下年報幼稚園，到時停課照計不會好似之前咁誇張？
如果要搵點都搵倒，但唔可以成日咁做，會有說話聽囉。
所以做呢個決定前要計好條數，但將來的野又好難預計
有全日班學校收的話
緊係揀全日班啦
全日班都要你份工準時收先得，大部分幼稚園開8收6，你有冇信心6點前湊到？
仲有小朋友易病，佢一病就返唔到，到時有冇人back up?定你要即時請假自己湊？如果下下要請假，你份工都好快玩完