想請教下，我打算明年6月尾走。到時剛好撞正小朋友6月頭/中考試。我應該…
-
五月尾退學，俾佢地開心玩一個月？
-
六月中/尾，hea考？
-
六月尾，認真考？
其中一位小朋友學校（小一）好催谷，我偏向想option 1, 但唔知咁做係咪唔太好…謝謝先！
“政府為 6 至 1 5 歲的兒童提供九年免費普及基礎教育。根據《教育條例》 ( 第 279 章 ) 第 7 4 及 7 8 條的規定 1，家長有法律責任確保介乎 6 至 1 5 歲的子女定時上學。”
考唔考都好少事, 反正你都唔會CARE成績, 我反而著重有無手尾跟
嗱, 退學時學校會比張嘢你填你係轉學, 移民…原因嘅, 移民又要你寫地點, 離港日期 (睇你想點寫)
我記得 EDB 就話退學後 7日內離境, 否則你喺香港唔比小朋友返學有可能收入學令, 不過我都識人的確IDLE左成個月無返學先走, EDB做唔做得切嘢就自己諗同TAKE RISK
5個讚
我兩個小朋友退學，就只係寫份退學信，寫幾時退學和原因，唔駛填表，我退學果時，都仲未決定幾時飛
3個讚
睇下你有幾多時間比佢哋啦，出發之前其實好忙，小朋友返學，就可以free d 去處理事情，如果你有好多時間，就1，反正你如果讀state school,都唔睇成績表啦
你係咪直私? 津校直情打嚟追交表
我當初揀咗1， 臨飛前好忙，唔會+唔想同佢溫書，如果hea考嘅話不如唔好考。有時間約吓朋友見面好過。 我諗法咋！
4個讚
我覺得雖然提早退學去玩唔錯，但小朋友眼中可能想見同學仔多D，考試問題，平常心去考就得，至少知學到咩程度，無壞嘅
唔係呀，津中
原來有啲咁嘅嘢，多謝提醒！
我會緊張成績架….就算明知會走都會好緊張…唉
我就係咁諗，hea考不如唔好考🫣
過來人，我揀咗1，我今年5月尾走，4月中已經同阿仔退咗學，普通津小，我淨係寫咗退學信無填form，呢段時間同佢周圍去玩，同朋友屋企人見面，之後到咗英國兩星期已經有學校收咗阿仔
1個讚
都走啦 仲考乜鬼香港啲垃圾試
1個讚
6月尾走要預過到英國就放暑假未必咁快派到學校
我哋果時返到飛前幾日，因為我有好多野搞，唔得閒照顧佢哋
揀1啦，都走啦，仲考乜鬼試，去開開心心玩吓好過
如果仲係小學，一定揀option 1
- 都走啦仲考嚟做乜
我會揀呢個。返學畀佢哋同埋同學仔「玩」多一段時間。
至於考試，咪平常心，佢哋中意溫就溫。
除非你哋啲嘢都搞得8899，有時間帶佢哋周圍去玩….
我諗住俾公公婆婆爺爺嫲嫲工人輪流湊去玩，因為佢地之後有排都唔會見到
最大問題係我女間學校好打擊自信…包括阿媽對阿女嘅自信，真係唔想面對…
1個讚
其實你有答案囉噃
對，我心中的魔鬼係呢個答案。只係怕自己做錯🫣
多謝大家回覆！