女女好好彩考到入間好好中學， 要一個月內去新學校返學。
現在住個區返女新學校，唔塞車40分鐘，返學預埋塞車就60至70分鐘
老公打算係女學校那區買樓住，但睇得來，做埋transaction都起碼半年以上。呢半年就變咗要爸爸車出車入返學，女要早起身返學遲放學。
我就想租樓先 （咁返學揸車只係幾分鐘），一來睇岩可以一個月內搬，好彩可以返學前搬到，二來係覺得樓價跌緊，半年後的價位會更好，三來唔想急急買樓買左唔係心水樓。
爸爸唔想租完先買，因為租金係開支不回頭（不過現在息口高，其實買樓錢放入銀行做定期都可以cover到8成租金支出）二來搬屋要買傢俬（現在住間屋包傢俬所以另租樓要買傢俬），三來覺得麻煩
點睇？ 覺得樓價會唔會跌，見Rightmove 係reduce 多而且有不少放3個月未賣出
我覺得租左先, 睇下果個區適唔適合自己…多過樓價升跌
你買唔買都要租屋先啦，買都唔係即刻有得住，又要睇岩又要落bid又要人地肯賣，仲要做survey又律師樓做野，又唔知有冇chain，收樓又要裝修下，冇一年半載都唔使諗有得住
同你老公講，時間都係金錢
其實你現在住果度係咪都係租？ 如果係， 都無話現在另外租新學校果邊抵吾抵， 最主要真係要非常好彩睇岩盤又手續順利都要半年。
係呀，現在那兒租的，剛完左一年約，隨時一個月通知就可以。
佢就覺得俾了一年租金所以想立刻買樓，原先已落訂買另一地方，但因收到女女新校通知所以才放棄。
佢主要唔想搬完再搬… 我明搬屋麻煩，但都係麻煩二三星期。但如果唔搬等買樓，好彩就半年，唔好彩就一年，日日咁花2小時揸車未仲煩， 油錢都唔平啦！
老公意思係唔搬住，一搬就係買左樓先搬，唔想租樓搬完再搬，寧願未買樓前日日花一小時（共2小時）車女返學
好多人都被洗腦, 認為租樓=資出
其實正確來講係機會成本
因為唔買樓, 舊錢可以做其他嘢
正如你咁講可以拎去做定期
加息, 樌桿資產縮, 係一定會發生
全世界都發生, 只係程度唔一樣
英國冇香港炒到咁勁, 自然冇跌咁勁
同埋英國放租個yield起碼5釐, 租成本大
所以長遠都要買
但同意買係要時間
所以最正係先租一年
下年年中買
我同你一樣，但我已經租左第二度
樓價跌緊，唔好心急買
英國樓同香港唔同