成日見人話COSTCO買嘢平, 咁其實係咪要買電器先抵? 一般GROCERIES 同超市相差遠嘛?
我都未 join 未去過，見大 pack 係平少少。不過唔一定成日想買咁多，冇地方放
入油抵
1個讚
佢入面賣既貨品種類係一般超市冇既（例如：餃子、日本綠茶包、日本清酒），另外一般來講質素真係比超市好（例如：廁紙、大垃圾袋）。不過佢大部份肉類、食物同糧油雜貨都係大大份，如果係小家庭會好難消化，一係要買個大雪櫃 / 凍櫃 / 足夠儲物地方stock up D 食物同雜貨慢慢用。
其實佢都唔係樣樣野平過超市，有D 其實計番係同超市差唔多，不過佢有D 貨品有D 質素真係好過超市，所以圍番都係抵既。
我地因為屋企人唔多，所以基本上都係2 個月先去一次，都係問人借卡去買咋。因為佢年費都唔平，所以我覺得你可以同朋友去一次，衡量下入面你會買到幾多野先決定入唔入會？
2個讚
係，平過出面，但唔係間間有油入。。。
咁如果唔係買得多又真係未必抵返年費, 我係諗緊如果我初到埗要買D電器/電腦之類, 去COSTCO買定CURRYS AMAZON果D好…
D 人話電視平好多，不過我自己冇乜研究。如果你可以撞啱black friday、cyber monday買，咁我覺得其實又唔一定要去Costco 買。
有左決定要過嚟？
恭喜
電器我通常AO買，有時currys, 有時argos, 都係格下價。AO好多時免費送貨免費安裝，售後唔錯，我買Bosch洗碗機喺官網睇佢都推介去AO買，仲平啲，事後亦有客服打黎跟進送貨準唔準時呀，態度呀等等。
電器嘅嘢售後好重要，我不幸壞過兩樣野：
Brother 打印機（售後麻麻）
Kenwood廚師機（售後好好）
1個讚
同超市差唔多價，但要買多好多，紙巾廁紙係抵，質素比香港好但平過超市，同埋會有d出面超市買唔到嘅日韓急凍食品，有d美式食品，同有d質素好d嘅急凍野買，電視係平，平過currys，但電視特價唔會放上網，一定要自己去抬
1個讚
有部分野真係平好多， 例如Bio Oil, 另外生果質素都比一般超市好
1個讚
我跟朋友會員，年費17磅連稅，我覺得底比，就算兩公婆一齊開都係30磅一年，肉類生果都平過其他超市，入油又平
我覺得唔太遠都可以開, 太遠就未必抵
我屋企揸車20分鐘到
1個讚
呢樣我都諗緊, 定係狠心一鑊過買TM6
我見有D MEMBERSHIP貴D咖喎, EXECUTIVE MEMBER, 唔知有咩大分別, 係咪17磅果D只係ONLINE SHOPPING?
起行啦？恭喜恭喜！
多謝, 差不多啦, 希望今年內完成呢個大PROJECT
唔係，17磅唔系主卡人，要主角人帶你入會，
你講果隻系最高貴會員
入油平過普通超市！但有一次坐Uber, 我先生同個司機吹水佢話啲職業司機唔會係Costco入油，因為啲油唔靚唔想整壞架車！