雞肉片都好食㗎，亞仔成日話要增肌嘛
咪煮雞胸俾佢囉。
其實滑蛋牛，滑蛋蝦都好食，呢個汁堅好拌飯食。
1個讚
仔：媽咪，你幾時煮小學時拎100分就有得食嘅飯呀？
媽：你再拎100分咪有得食囉！
仔：咁即係以後都唔駛食啦～
仔，其實努力同認真比100分重要的，見你今年比中一時主動咗dd，認真咗dd,努力多dd,都煮俾你食啦！
今日食少爺order!
日式咖哩牛腩飯。
12個讚
少爺早兩日話想食，但出面又唔係間間雞夠滑，都係亞媽出手嘅時候。
是日午餐，去骨海南雞飯！呢度半隻雞㗎，少爺記得請同學食喇，知你唔要蔥油，少少薑蓉加黑醬油啦，沾上好食好多，仲有香噴噴雞油飯，我加多層錫紙保溫了，希望一陣仲暖啦。
8個讚
正到無朋友 
昨日海南雞飯好食，但飯唔夠熱了，所以少爺今日的午餐轉焗飯，睇下佢唔會好d,芝士鮮茄牛腩漢堡肉丸焗飯。
6個讚
係咪因為天氣凍左，飯溫keep唔到？
我琴日第一次送飯，用保溫的，但因為太大冇放滿，食的時候係暖到熱之間。早上帶應該會凍哂
係呀，要塞到滿個保溫力先強d的
土匪肉串有食譜嗎？
除左飯盒、我仲我欣賞+羨慕樓主個仔上到中學仲可以咁好關係
1個讚
俗語有云，要capture 個心，先capture 個胃
唔好問典解俗語有英文
12個讚
土匪肉串
醃料
十三香
花椒粉
小米椒粉
孜然粉
蒜蓉
黑椒碎
紹興酒
老抽
蠔油
糖
水
生粉
梅頭肉切粒，撈入醃料醃1晚。200度氣炸，每邊7，8分鐘左右
7個讚
都ok㗎，我昨日仲攬住個仔話要咀佢
有人昨日放學嬲爆爆，話本來由飯商幫佢地送埋家長飯上課室的，但昨日唔知咩事，遲遲都唔拎俾佢地，全個中二食家長飯的都遲哂，老師問咗好多次都未拎俾佢地，食飯商飯嘅同學食咗一半，佢地先等到，好緊要㗎，食得遲咪無得落操場打波囉～個天塌咗㗎！
嗱～所以我今日整包俾你食，食包夠快啦～補返昨日嘅時間，唔好咁火爆了。
其實玩死自己整包時間長，今朝6點半打麵糰，昨日已經打定第一轉，今朝用水合法做，只是剛剛趕得到出爐送餐咋。
是日四式包包
餐肉蛋包
煙肉蒜蓉包
吞拿魚包
沙律肉鬆包
好同我食哂佢，做細size了
9個讚
媽媽真係無敵！
原來要咁多配料
因為我貪心整4個款
1個讚
好靚呀~
不過我睇呢個飯盒好似唔太保溫…LUNCH TIME 時會唔會凍晒?