好好心機
是日午餐 易食好撈飯 滑蛋蝦仁。
昨日問少爺 開心樂園餐係咪好驚喜呢～
點知個衰人好hea咁應我 係呀係呀！
然後覆多句 打開個袋見個細盒 心諗 亞媽好忙咩～做乜買外賣俾我呀？
再打開 哦…原來亞媽整！我話食落口一定知啦～佢話 唔駛 一望咁岩巉就知出自亞媽手筆。
衰仔我點算整得岩巉呀！
5個讚
是日午餐 美極雞肉炒麵。
昨日盒飯竟然同我講唔夠汁 先生你當佢湯咩
4個讚
究竟一個中學生食幾多野呢？今朝問我中午食乜?我話整個瑤柱上湯雞加菜囉！
少爺問我俾幾多雞佢。
我話半隻囉！
竟然話唔夠，最少都3／4隻啦～少爺呀少爺～你食得哂?
4個讚
男仔上到中學的食量真係好可怕的
1個讚
今日可偷懶 因為只要翻熱條手臂咁長嘅鰻魚再煎1隻雞蛋整蛋絲 再煮個照燒汁。特盛級照燒鰻魚飯 少爺你媽真係對你好好的原條鰻魚俾哂你㗎！
7個讚
少爺話佢只請了少少餸俾同學食，其他佢自己食哂。好恐怖
勁有心機, 如果我係你仔女D同學一定勁envy
食慣色香味俱全，好難出街食
1個讚
請問大家知唔知象印保溫壺的膠盒可否放蒸焗爐蒸返熟？（大p)
膠盒應該唔可以蒸喎?
象印公司話唔可以蒸。可以微波爐叮。
1個讚
是日午餐 豉油雞卷飯
7個讚
好吸引，可唔可以講下點做？
我見佢耐熱100度 想用80度蒸，不過唸唸下都係算了、用碟蒸熱先放入飯盒
我用急凍雞扒解凍洗淨印乾水，之後將雞扒攤開，太厚的地方改薄一點，令成塊雞扒的厚薄變得平均一點，接住灑少少鹽在雞肉上捽勻。從較碎濕濕果邊卷起，卷實一點，之後拎棉繩扎實，通常分3至4個結就可以。捲好就用熱水燙一燙雞皮位置去咁一些油膩，咁一陣就容易一d上色。
個豉油汁，我先爆香薑片 乾蔥頭同蒜頭，之後落冰糖碎，要重手少少，因個汁係食到糖的香甜嘅。慢火煮至糖溶有焦香轉金黃色就加熱水落去，記住少少，少少咁落，唔好俾熱水彈到。水量大約浸到雞卷就可以，接住就落老抽 生抽調味，老抽多生抽少。調好關至中細火放入雞卷煮7至8分鐘，加少少玫瑰露，關火加蓋焗半小時就可以拿出來攤凍就可切厚片。之後淋上少少個甜豉油就完成了。
7個讚
好有心機我一定要試吓
全雞都係咁整，不過亞仔返學食鍾意啖啖肉。所以我整雞卷
