形唔似初小有捉，但之後好似冇咁嚴？筆順就更加冇捉喇，捉唔到。
我有時覺得係家長太認真，好想做到盡善盡美。
呢個都好準，我另一伴寫字比我靚又端正，做嘅工種係沉悶同唔可以出錯，不過佢都係老細一名。就算唔做呢家份工，佢真係可以去做翻譯亦覺得都好適合。
講咗好多年，但香港無可能實行到
殘體點及英文字丫。
我小朋友話寫英文字係最簡單最快同最鍾意寫ＸＤ
不過英文字佢地要識串字呢個又係難。
睇留言就知，學校唔要求，家長都好有要求。
講緊對幼稚園小朋友咋喎
2個讚
香港券幼k2下學期先執筆寫字，但已被一班家長嫌慢嫌遲，好多私下一早train, 或者讀私幼個d k1下學期就寫字，足足早一年。
如果咁岩係細b, 即係k1下學期未到3歲就要寫字。當然，幾時操練，揀咩學校就係家長決定ga la. 唔深唔讀，唔難唔讀，都係某類家長既諗法。
至少香港有得揀想早d定遲d學寫字既學校。但有無遲到5，6歲先寫字呢，我就唔清楚啦。
有啲驚訝 ，估唔到有人咁諗，寫好隻字咋喎 
好基本
唔同人手字都唔同，有人寫個口字好公正，好似四方框咁，我自己寫會係右手邊嗰一直斜落去左邊嗰直最底再寫一橫。
通常會問佢想唔想改，佢想就擦
有時我係唔太知個標準點定，見到某1‐2隻字寫得靚，就會覺得佢有能力寫得好，想其他都改…
仲有就係，我係儘量都唔响佢側邊睇住佢寫，因為佢會依賴我俾指示，但我發現有時就會成版都唔太滿意
要做到豁出去，好似唔係口講咁易
其實都唔係好明，寫得咁靚做咩，睇得明就得啦，
與其花時間寫靚，不如寫快啲。
5個讚
page 佢寫d 字係潦草，不過好靚，同埋識中文字嘅一定睇到佢寫乜。好 make sense… 等於有2個人抄同一篇文章, 一個抄時 focus 喺每個字是否端正, 寫得靚唔靚, 另一個一邊抄, 一邊留意內容但唔太注意字體, 問返佢地文章內容同感想, 你估邊個會答得好啲?
岩呀，所以抄寫未必幫到記入腦，反而解釋個字，拆個字咁比小朋友去記仲有幫助
剛學寫字嘅時候，
因為小朋友嘅小手肌未發展好，
所以一定會寫得唔好睇。
小朋友啲字體唔使執得太靚㗎，
只要佢慢慢俾心機做得晒，就要鼓勵下佢。
去到K3就會慢慢寫得好，
到時先加高字體要求啦
我完全無諗過呢方面，我小朋友寫字核突到嘔尤其係做功課啲字龍飛鳳舞咁 （唔係抄生字）
正如你講係清楚內容，但問題就係佢寫得咁鬼核突啲字好易成日寫錯字。
好睇小朋友性格。
我個小朋友越大寫字越樣衰，真係衰過幼稚園寫個啲字，自己講到口水都乾，要求到變到無要求，只要係一眼睇明中文字無錯字就算 
又或者咁講，
而家同將來都係電腦嘅世界，
小朋友需要到嘅skills都未必係‘字體端正’
與其花過多時間去操練小朋友寫一手好端正嘅字，
發時間去栽培，將來有用嘅skills上面
1個讚
你都識講 "剛學寫字"啦, 幾歲人仔你expect佢地可以寫得有幾靚. 比D時間佢地啦, 慢慢就會識