Me too !!
其實都唔覺得嚴
只不過要求學生寫好隻字
1個讚
講真，唔嚴唔惡點迫到小朋友跟？好多人會覺得老師吹毛求疵，但我相反會感謝中文老師肯堅持，連自己香港人都唔buy既情況下仍然執著小朋友既中文。
其實中文執得最嚴都係小一，之後寫得多字就好難再遂個執。但一個人求學認唔認真，有無尊重眼前既繁體字，呢樣野係由細建立。
我會高興見到小朋友寫字端正，因為成日覺得有得學仲唔學好d就無架啦，要好好把握仲有人教你寫繁體字既機會。
2個讚
咁已經係超高要求啦!
2個讚
見字如見人……我睇到我老公手字，完全唔明點解可以咁核突，所以兩個仔嘅通告、功課（有啲要家長寫評語）全部由我寫，雖然我手字唔係靚但尚算工整。
我個小朋友寫字唔靚，但佢幼稚園真係同佢哋做好多小手肌訓練，K1有每星期有小活動俾佢哋，之後有好多連線同塗顏色練習，最後k2後期先開始寫好簡單既字。而家佢小學寫字都算ok
如果一開始要寫字係好難，家長唯有做多啲小手肌訓練幫佢哋
我小朋友幼稚園時候冇一個中文字及英文字寫得好,到而家中學無咩大問題,父母放下要求,孩子寫得不論好醜都贊同就足夠.
真係
？咁幼稚園n, k1要練好小手肌，到k2就比較可以掌握好。同埋筆順筆劃岩隻字先靚，呢個要由細洗腦。
呢個唔算超高要求，我見過既超高要求係一落筆就完美，唔使擦(係完美到唔使擦，而不是唔擦，k3 level)。
我自己覺得如果要小朋友太專注於寫中文字嘅超小細微嘢, 例如"馬"字嗰4點斜向咩方向, "王"字邊最後嗰橫要斜定係要平, 草花頭右邊個"十"要係撇, 唔可以係豎, 等等… 會限制咗小朋友嘅思考, 佢學到嘅係要鉅細無遺咁 follow instructions, 久而久之, 小朋友個小腦袋就習慣學習 = 接受指令/乎合上級嘅要求/答案要一式一樣先叫好.
我認識寫字靚又工工整整嘅人, 做嘢通常比較死板, 對上司特別恭恭敬敬, 總係有個框框住咁, 做翻譯時會 word for word 咁譯. 相反我老細 & CEO 啲字打風咁, 但度橋諗嘢好 creative & flexible, 一樣嘢唔可行, 就用另一角度度橋, 轉數係快啲.
當然呢啲只係個別例子, 基數細, 唔代表任何人
11個讚
有知識係唔同啲,工整又條理,我衹係稔到會限制小朋友創意,冇稔到咁多野.
你呢個見解幾好，但我覺得寫字跟筆劃同工整始終係重要，又唔等於限制咗小朋友嘅思考。出到嚟社會工作跟程序同指示係基本，應該之後再培養佢創作嘅自由，係玩樂、畫畫或者科學層面俾多啲自由空間小朋友都可以。
1個讚
why not both? 寫字又靚人又creative 
最怕2頭唔到岸，寫字唔靚人又唔creative…
真係理想與現實
我記得果陣我教個女寫8字，教到佢又喊我又癲
望返轉頭覺得自己好傻
時間到佢地就會識寫
2個讚
你唔要求，但上到小學老師就會要求你寫到好似電腦字咁，d方向要一樣，寫得樣衰少少都當錯
唔係好明由幾時開始對字嘅要求咁高
唔記得係邊度睇過篇嘢，話小朋友唔好咁快執筆，會影響佢手肌發展能力
其實係，應該做多啲其他小手肌嘅小遊戲訓練，到六歲嗰陣就可以真真正正練習執筆寫字
所以六歲之前，我覺得就真係象徵式試吓
最重要唔好打擊佢嘅自信同埋興趣
3個讚
我以前成日以為一到小一仲寫得咁差會跟一世。但我同事安慰我，佢兩個細妹都係小三小四先有意識寫靚啲字，到大啲仲會專登練字。
我個時半信半疑，到小二下學期尾，完全驗證左我同事所講，大大下就會寫得似模似樣，一來佢手肌ready，二來大個左聽老師講入耳啲，三來見同學寫得靚佢想做好啲，就自動寫好左。
其實好多野回望，都覺得幼稚園時嘅焦慮擔心都幾無謂。只要唔係完全放手唔理，有適當咁關注下提醒下，小朋友確係大大下就會好。
2個讚
咁既思考就已經睇出比小朋友好大壓力,小朋友咩時候有創意冇人知,分分鐘亂畫亂寫可能係現代畢卡索,一時又話填鴨死板教育唔好,為何又要咁早填鴨死板寫好筆劃?開始時候就強制要向著死板方式去做寫筆劃好,小朋友從中便慢慢失去晒創意興趣,仲何來有之後?更慘腦筋開發由始中斷.
1個讚
我都唔明，而家要寫印體字咁。以前邊有執得咁嚴。
我聽過一個陰謀論係想啲小朋友因此討厭寫繁體字，父母又覺得繁體字筆劃多細路寫得辛苦，咁就可以係香港推行簡體字啦
我女上年小一啲字同今年小二啲字，我無同佢練字但放完個小暑假，啲字都唔同哂
1個讚
個個呀媽梗係想why not both喇，字靚又creative, 但腦容量同時間係得咁多，塞咩入腦會有取捨，就係家長高要求搞到而家d 細路個個咁大壓力。
難寫還難寫，佢要捉就捉，最多改正
身為香港人就係要寫好繁體字，好多字都好多筆劃但可以解釋到出黎
相反簡體字只係方便，其餘什麼都不是
愛字中間無埋個心
1個讚