12點幾放學, 做返個正常人, 又唔駛食難食午餐, 都唔明邊個發明小學全日制
20個讚
唔少家長支持全日制的 
當初全日制係下午只活動, 同埋會係學校做哂功課先返屋企, 同而家既全日制完全唔同
7個讚
以前幻想係「細路係學校做功課」
Free返婦女勞動力（我諗）
跟住其實學校都冇比細路係學校做功課
返全日放學返黎依舊9萬樣功課
11個讚
好鍾意半日制！
5個讚
我都係鍾意半日，好似我小時候一樣
2個讚
Me2
我返下晝班，日日食brunch 先返學
2個讚
我當年小學係半日, 下晝返到屋企仲可以睇電視, 落街玩, 日日不知幾開心
都唔係好明小學點解要全日
6個讚
我自己全職湊好鍾意半日制，時間好好用，四五點鐘搞掂功課溫習仲有得落公園。
晚上又可以落街踩單車跑步
但要返工嘅媽媽未必個個鐘意，我朋友話小朋友長老接放學，都係睇電視睇到佢放工返，功課做到天一半地一半。。。
4個讚
呢個諗法離地到不得了, 我小朋友果時放學返到嚟4點幾, 食完飯做功課要做到成9點幾10點, 之後果日要默書更加要溫到10點幾
4個讚
諗全日制嗰個太唔了解香港既小學… 唔好話下午拎黎教書, 我仔學校連臨放學既小小 “功課堂” 都拎黎教書… 總之一有時間就唔會放過
4個讚
好難想像返翻全日
，日日打仗咁
我係在職媽, 比我揀都係鍾意而家咁半日制… 因為就算全日都係等我放工先睇功課, 其實一樣, 但小朋友中間叫做休息左。好在意小朋友要早做哂功課既可以自己揾功課班/補習, 點計都係多左時間在家 
1個讚
我依家諗返我女小學嗰段時間，真係可入十大可怕回憶之一
幼稚園全日班都特別受歡迎、無工人長老放學可以去托管、百貨百客啦
而家返全日，午餐好頭痛。
中學學校小賣部D餐又無營養(午餐肉蛋)，
疫情又無得返課室食，
出去食又人多唔夠時間，
我都同老師反映過情願返半日。
我地直情無左小賣部, 得返自動販賣機賣飲品, 又唔比出街食
我家主公話左唔想食X力午餐, 而家唯有日早起整午餐盒/有時叫佢返學買2個飯糰/三文治做LUNCH
1個讚
我係支持全日，呢家返半日我都係訂學校飯，難唔難食見人見至，至少唔洗日日煩多一餐煮咩好。
不過，反而 無咗上下午，點解返學時間仲要晨咁早8點要返到學校？唔跟番大人返工9點鐘先上堂。呢家朝朝早起身真係比自己打份工仲要早起身。
應該係基層最想全日制, 佢地仔女下半晝冇野可學
我朋友全職媽媽，鍾意番全日。因為讀直資，課程好趕。我在職的鍾意番半日。番到屋企2:00。食埋”lunch”,沖埋涼，3:00開始做功課。通常4:30前做完。5:30前溫完默書。所以，番半個個schedule 係不用太趕。
再且，我小朋友唔鍾意學校飯盒。佢話汁凍晒變成一舊。佢話好多同學都倒起碼半盒飯。佢羨慕移英的表弟妹，lunch可以食pizza
佢呢個情況可以報平日功課班,上2個鐘做功課