阿爸係我讀U嗰時幫我買咗一份醫療保險，但因為醫療費越黎越貴，所以保險一直都係咁加，加上女性疾病比較多，所以都加我唔少，我考慮緊仲要唔要呢份保險 
一年加兩次價
我都想問保險年年加價係咪正常
醫療保隨年齡加價好似係正常㗎
我份醫保都係年年加
如果買個陣係健健康康，就算而家有啲貴，我都會keep，因為女性病真係隨時會出現
我之前諗住Cut細個買個份，轉另一份平啲，點知突然發現身體有毛病，好彩未cut，所以先claim九成
如果喺有事之後再買醫保，保險公司都會視乎情況睇吓要唔要加保額或者不受理
我有朋友就係因為做完一個大手術，之後想買醫保，已經冇保險公司俾佢買
我3年前先買，年年加嘅情況下，我都有諗過cut，但今年入院要做手術，6位數claim得晒，就冇諗住cut喇.
而家仲想買多份危疾.
2個讚
唔正常⋯我20幾歲時買宏利住院到而家30幾歲。佢係會問追唔追通帳，加少少錢好似十幾廿蚊等啲保帳加大左！你可以唔追通帳，我差唔多十年前claim 過兩次入院，一次住幾日另外一次係做手術又幾日咁。都無要加我價！
不過之後我都無再買醫療，因為我驚報唔清楚，有咩事唔保。所以我照keep張單
年年加係正常，但一年加兩次就唔正常
1個讚
醫療保險本身會按年齡而調整收費，除咗年齡，保險公司亦都會因應賠償，香港醫療開支等因素額外再調整保費，但同時亦都會增加相對保障，我入行時大房賠緊860，到而家大房賠1100，原因係私家醫院大房收費調整，保險公司因應調高保障，保費自然會調高
好多人都有你個諗法，買咗無用過又年年加，想cut咗佢，最近一個case,客人太太買咗9年，一直都無用過，今年總共claim咗接近20萬，相當於20年保費，值唔值見人見智
但係如果供咗咁耐唔要咪好浪費囉?
醫療保險一向都係跟年齡加保費，
年紀越大越貴，
愈老愈多毛病，也是愈需要醫保。
係咁不停調整價格，要供落去又都真係幾困難嘅
早兩日先話 識郁食到野既人 比保險公司 屈係植物人 唔賠 (早兩日東張西望講）無記錯好似就係aia 再買真係要考慮下啦
來緊我要做身體檢查，但我只有醫保，都想買多份危疾
加係一件事，但唔能夠加左$但冇加到保障，應該要check下有冇提升返醫療保障先得
醫療正常都年年加，好簡單，年紀大，5X歲無可能同2X歲一樣咁健康啦，當然都有真加價(多人claim，計錯數，醫療開支加，乜都有可能)。
你讀U就買就keep住喇，到年紀大想買都未必有得買…
如果真係有負擔，試下問下有無得download grade個plan，通常醫療都分ABCD grade之類，主要分別係啲賠償上限有分級數，十萬/八萬/六萬之類，上限低啲就平啲啦
我未買醫保, 本身有打算去買, 但聽你哋咁講, 搞到我有少少擔心
如果你對政府嘅醫療服務有信心，真係可以唔駛買
所以買之前真係要考慮清楚自己個經濟能力係唔係能夠承擔到咁長遠…同埋實在太多醫保啦…呢啲要compare下先得
我就無信心，一早已經買咗。
我買醫保嘅時候都唔係淨係睇1-2間，因為真係有好多 
價錢唔一樣，受保嘅範圍又唔同，都複雜ga 
所以我就係10lixx比較下，so far都供得輕鬆