Thermomix 2021年出左Thermomix friend, 有無人都有買埋呢?
而家心思思諗買唔買TM6 + Friend 套裝, 見幾個移英朋友都有用 TM6 (多數都讚), 話如果我本無廚師機, 乜機物機可以考慮
但D 材料喺英國易唔易買? 自己都鍾意整下甜品, eg. 蛋撻, 蛋糕, 糖水…
我由2020年中開始用TM6，真係一部頂好多部機。
依家1388鎊有咁多樣真心抵，FRIEND 未出都有興趣，後尾見到價錢&功能當然唔買，佢真係只可以煲飯蒸野&炆野。但依家套裝價又唔同喇。
我都賣緊HK部機，賣到就叫人幫我喺英國訂呢套，遲D去用。
今個月見一部TM6 12XX 磅, 係咪都算抵呢? 點解你唔SHIP 香港部機去?
新套裝價咁抵，梗係買新架啦，運費都慳埋，而且我冇左原裝箱，一陣去到壞左個磅就唔抵啦
我冇見12XX 鎊喎？包咩？
哦，呢個係TM6送刨皮器，即係1189鎊
BLADE COVER 就係一面用黎刨皮，反轉可以防止D食物掂到把刀囉，用黎做慢煮時好有用。
咁你通常用小美整咩? 我本身得焗爐, 蒸焗爐, 係咪都值得買呢? 驚買左唔用/唔識用又多舊垃圾
COOKIDOO D 食譜你覺得OK嘛? 整出嚟似樣?
我一家2口，每晚餐飯都係用佢，包括煲湯/滾湯，煲飯，炒/6菜，炒/蒸肉。
有時想快D有得食先會用鑊同時炒個送，否則全餐淨係用TM6。
你入多D谷睇下人地煮既野你岩唔岩食先啦，或者丸子媽IG都有教點用。有個好顧問好重要，佢帶住你用，好過我當時靠自己慢慢摸，果陣煮衰左好多餐 
1個讚
明白, 咁你去英國會買 TM6 + FRIEND BUNDLE嘛?
如果我買左都會迫自己用多D 
係呀，不過我會賣左HK部機先。
我見UK好多人用佢整燒賣牛丸果D，好正！食材平，我去到都會整。
1個讚
我friend話除非整甜品，其他都唔多用得著，佢而家部機係擺多過用
我就係擔心, 同埋驚D食譜煮出嚟唔好食
甜品以外嘅食物，我friend係講過明火煮食會好好多
x2
我都係擺多過用。可能我唔識用，掌握得唔好，炒餸好易炒到出晒水，無用鑊同明火煮個種香味。煮意粉又會繞住晒個刀，好難夾出黎。但係煮西湯就好快搞掂，整班蘭醬都好快
最多係煮飯同時蒸餸，之後就烚菜，炒野都係用返鑊。洗工具其實仲多左
其實覺得好雞肋，想賣左但又唔捨得，因為某d野整起上黎的確快手。我自己覺得佢始終係外國出品，適合做西餐多d，整中式野唔多好用。我住hk蝸居，廚房本身已經好迷你，擺咁大件野覺得阻地方，好矛盾
我自己覺得煮中式野係無香味同鑊氣，只係將d野撈埋一齊咁。煮西餐會比較適合用佢
煮完意粉唔係夾出黎，係成煲倒轉，連把刀一齊拆出黎嘛。
我都同意佢煮某D野係唔及開火開鑊，但以中式菜，我煮最多係滷肉同糖醋骨，味道時間絕對冇得輸。
我覺得對食物有要求唔會用小美
但係完全唔識整嘢食嘅人，就可能幫到佢