預左俾人插，但好想講好耐…
呢到嘅post只可以圍爐咁
講打針…有人話捱埋呢個月走啦，就俾人話對住食緊屎嘅人講食大餐好殘忍
講細路打針，有人感慨香港變成咁無人咁企出黎，只係感慨啫，又俾人話幸災樂禍
想點呀….登下人地開心唔好咩？聽下人地感慨唔好得咩….
洗唔洗玻璃心到咁？
8個讚
咁其實你而家自己都玻璃心緊。
論壇講嘢一定係有正有反，大家唔同意見，人地講得唔啱你聽就專登開一個post 話人玻璃心，skip左去咪得，第一日玩forum咩。
18個讚
其實度度都唔會所有嘢一致㗎啦，我又覺得無咩所謂，會唔會係接受唔到嗰個先係最玻璃心？
2個讚
講打針 & 細路打針, 有咁多唔同意見既回覆, 樓主你只抽其中2個就話成個論壇既人玻璃心 
8個讚
細路打針個單…有人同意架，唔係一個咁講
至幣下下開火，有必要咩？
仲有好多其他例子架，唔詳列啦，見到嘅會見到。
6個讚
其實出得post就預咗有支持有反對聲音，呢D先係言論自由，如果只接受支持，唔想有反對聲音，咁同中央有咩分別？
正如榴連一樣，有人鐘意有人唔鐘意
3個讚
論壇不嬲都成日開火, 以前 d 人奶vs奶粉, FTM vs WM, 真係勁多呢啲月經 post 
7個讚
但對於唔同意見嘅人，呢到係點對待？最後又係鬧走佢
Mango York對呢到好有貢獻，只係話同某post樓主諗法一樣，就俾人叫收聲，又講到佢兩個小朋友sen係關佢陀B時嘅情緒，有必要咁樣人身攻擊嗎？
6個讚
裏面大部份人都係講恭喜說話, 就算係圍爐都係圍爐講恭喜啦
4個讚
論壇吹水都有貢獻
算啦，萍水相逢，仲咩咁執著
佢移民英國嘅分享（仲要好詳細，一啲都唔係吹水）包括點攞返BNO，係已被唔少人係whatsapp分享（至少我朋友堆係，亦因為咁我認識了bd)
7個讚
世界上有唔同人，人地點講點寫你無得控制，何必放係心上面
4個讚
其實覺得過份左係可以舉報，我舉過好多次
8個讚
我專登開來睇，原來只有一人咁講，而且同樓主一樣匿名話人，咁大家打和啦，super
9個讚
幾百個comment得1個人係咁講，但樓主就攞住個條黎代表呢個forum, 仲話呢到係點對待人，好有趣。
2個讚
樓上已講左有其他post都有類似玻璃事件，點解又唔講下
個個post係因為佢一post我攞出黎講，風向有無因為我呢個post再加上面條link而轉左我就無從稽考啦
無乜所謂我預左俾人插～
1個讚
真心各有各道理
2個讚
因為呢到係forum囉，你知唔知咩叫forum，就係個個人都可以發表意見，人地唔附和你就話人玻璃心既叫輸打贏要。
3個讚
我無參與過個啲post，所以唔關任何附唔附和我嘅事，我只係旁觀覺得「吓，咁都可以又開火嘅」
我同小朋友都無打針咩地方都去唔到呀，我同個post所有人一樣身同感受，但唔會因為人地一句感慨就又…咁大反應囉…
2個讚