昔日好友，冇聯絡十年，中間佢換咗電話號碼，上年突然透過手機 app 搵番我 ( 奇怪嘅係佢亦話已冇咗我電話號碼，係個 app 冇端端彈我個號碼出嚟問佢要唔要聯絡我 )。
佢單身，已退休，冇外國國籍，偏激黃，家人全藍。呢年幾同我講咗無數次話想走，計劃去邊、每處逗留幾耐、照肺、換外幣、開銀行戶口等等，話一切準備好，等疫情完，又話萬一英國撤僑佢就可以即刻上機。亦多次催促我續 BNO、換外幣同開戶口。
佢叫過我幾次同佢一齊走，我已多次表明唔會，我有自己家庭。問我個女喺外國住邊，話想幫我探佢，多次話「如果我知你個女電話就可以…」。
佢想走，但冇人陪，成日話想有人可照應，但又話唔鍾意揀多港人嘅地方，唔鍾意群港人。而佢啲兄弟姊妹都無意走，話個姪仔幾年後可能會去留學，但又唔鍾意姪仔選擇個國家 ( 就算個姪仔將來留學肯同佢住，經濟上唔會補貼個姪仔 )。佢連唔熟嘅朋友、朋友嘅朋友同朋友啲仔女住邊都打探曬，可能考慮為將來選擇嘅地方。
伴真係好重要，特別係年紀大咗。雖然好多伴侶喺移民一事上都有好多問題，但對於啲年紀唔細，學歷唔高，又冇一門手藝嘅單身人士就更加難。
有啲恐怖
多年冇見問咁多野？！
我反而覺得一個人最容易走
可能我諗多
佢咁矛盾、想有伴但唔鍾意群香港人
我反而覺得、人大左、有冇伴都冇乜所謂
自己一個人自由度大啲、唔駛顧慮咁多
所以我漸漸都有啲懷疑佢可能真係搵唔到伴陪佢去外國生活，絕望到連一個十年冇聯絡嘅都要搵。
10年冇見，如果之前唔係特別friend，聽兩句就算㗎喇…
條友有啲恐怖
個人獨立就係
就咁聽 有d似唔怕醜想周圍攞著數
但到別人有需要搵佢幫手時 佢又未必想付出果隻
舉手之勞就會幫吓佢
千祈唔好俾阿女聯絡佢(知你都唔會俾) 應該唔會有危險性 係會猛咁問佢想知既資料囉 一定煩死
最多叫佢上互助群組
揾水泡
Thanks !
如果我係單身, 我應該都習慣左, 伴唔係最重要, 本重要D
有錢萬事通
佢係咪英文麻麻溝通唔到咁呀？睇佢應該係香港都無朋友啦
比佢痴住有排煩
佢都單身咁多年，都習慣左生活（想唔想咁生活係另一件事），突然又想要個伴移民？
當我多心，可能有其他目的，我覺得連你個女係邊個國家都咪提
Block左佢
佢單身，但與家人同住，最憎做家務喎。
曾同佢短住過，咩都唔做嘅，放工返嚟啲衫就咁掉喺床上。試過一齊去街市 (街舖) 買餸，佢都唔肯入。浴室冇去水位，佢沖涼將浴簾腳放浴缸外，搞到一地水，事後唔清理。如廁後冇廁所水亦唔會善後。又話最憎推門，會趁人開門時攝入。
所以如果有伴，財務及家務都唔使自己食曬，尤其佢咁憎做家務。
我估基本溝通得啩，雖然會考零分，但都叫做 F.5 畢業。
佢話自己多朋友，人人都容易 friend 到，實際我就唔知。但我當年就覺得佢性格同價值觀變得好有問題，所以唔再搵佢。
疑似騙案
Thanks !
佢唔係想搵伴侶 (男友/老公)，識佢幾十年，亦冇聽過佢拍過拖，佢只話有人互相照應好啲，都可理解嘅。
最怕佢搵水泡…唔係互相