岩岩搭緊車聽到有個男人電話響
佢接電話嗰陣講咗句：喂？（廣東話）
但收線之前就講咗句：我不知道了（普通話）
本來都無咩嘢，以為佢可能係接緊大陸客電話
收線之後佢就問佢隔離個朋友：「你啲普通話程度點樣？」
朋友答話：「好一般」
個男人就開始發表偉論：
「我而家都成日講普通話，同埋係電視聽到廣東話真係覺得好Un耳，因為無普通話咁有禮貌同聽落去咁舒服。
我啲細路係屋企都講普通話，我老婆仲話我，你唔同啲仔女講英文都算，而家連廣東話都唔講，哈哈」
唔知呢個世界發生咩事？
你屋企的小朋友係點？
係咪都係prefer講普通話？
我小朋友主要講廣東話，而家好多小學都普教中，可能咁多咗小朋友講煲東瓜
我女今年小一D同學差唔多全部都係廣東話
但係我妹讀中學就多數講普通話
佢就連平時睇youtube嗰D都係睇普通話多
我覺得係因為呢幾年疫情封關，有D雙非多數返唔到嚟香港 就直接係大陸讀所以先少咗D普通話小朋友，我女之前幼稚園就係有個普通話同學話返大陸讀唔返嚟香港
六年前返香港已經聽到好多普通話，眼見係中學生
我小朋友都係普教中。但日常生活係廣東話為主，第二係英文。
其實上中文堂用普通話點會變到生活都用普通話？周街都講緊廣東話
我反而，見到多左小朋友（女仔，五六年級）睇斗音果啲。。。
唔知係同學睇影響到定點
我小朋友小一，淨係鍾意講廣東話同英文。
抗拒普通話，我幫佢揀左間粵教中
一樣，只係佢唔抗拒普通話，而我屋企更加無普通話語境，佢要學就靠一個cycle 一堂既普通話堂了。
係，一有手機就玩抖音，or reel, 總之就令人腦殘既短片。
而且仲會拍埋一份，我諗係佢地既culture la…
會咩？
介意普通話
唔介意國語
…你們可以打我了
(係指聽到唔介意 唔係指入侵唔介意 不過來來去去都係煲冬瓜想滅人族啫)
我小朋友廣東話和英文為主，不識講普通話。
我和老公都不識講和教普通話，我小朋友唔識普通話功課，我叫小朋友返學問老師，記住同老師講父母不識普通話，教不到普通話。
廣東道有間中學勁多學生日常學生都係講普通話
同你一樣。
我啲小朋友都唔鍾意普通話
其實我英普粵都流利所以三樣都會講諗住俾個語境都好
但我一講普通話佢哋就好唔鍾意
小粉紅，係街到扮忠誠啫
我都覺得多咗中小學生講普通話
有日聽到兩個女仔普通話對話，但突然間又會夾雜一、兩個廣東話字彙
而家成日覺得廣東話喺香港開始變少眾咁
親戚小朋友一個初中一個高小, 兩個都土生土長香港人+爸媽講廣東話, 但成日講普通話, 用簡體字(打 message), 用內地 forum 用語… 原因係同學校新移民同學一齊玩, 一齊睇抖音, 打 online game, 所以學哂 
我仔有時會講普通話， 我覺得無乜所謂， 都係一種語言， 可能同佢去過台灣同韓國旅行， 見我都係講普通話， 所以佢覺得識講普通話去旅行就可以同人溝通
反而我好怕佢學埋啲大陸詞彙，咩 牛逼，FW
好多都係同啲同學傾計學
我叫我仔唔好睇咁多Facebook 啲抖音片， 好多都係假嘅呃人嘅