8月時得知媽媽有三陰性乳癌. 四期擴散到腋下和肺部.
現在是掙扎化療或是不化療的抉擇. 不過已問媽媽她是不想化療的.
當然我也明白做了化療也不會好轉而且很辛苦.
換了是大家. 大家又會如何決定呢?
每天心情都很忐忑不安…
尊重病人決定
2個讚
大家嘅決定都唔及你媽媽自己決定，當然，作為仔女，當然想父母越長壽越好，但呢個諗法可能會比較自私，係唔想佢走而拖住佢條命，但當時人可能覺得離開係一種解脫，你應該同媽媽兩個傾傾，面對現實
唔化療，舒緩治療盡量另伯母舒服啲。
媽媽年紀呢?
同埋我會尊重佢決定
上年2月，我媽媽都係三陰，當時69歲。
做左手術去見腫瘤科醫生，話如果已經夠70歲呢就一定唔洗佢化療，當時仲有幾個月先到70歲，所以醫生照俾個treatment佢睇叫左我地返屋企考慮一個月。
我媽咪由知道有cancer已經話明唔會化療，不過又心大心細，佢都想搵中醫睇同埋問下意見。
泰山公德會 → 建議化療，醫師話政府唔會死錯人，化療對個病人有用先會俾佢化療，如果唔係唔會嘥quota
南朗山防癌會浸大中醫 → 建議化療，話中藥可以同化療藥相輔相成同埋減少化療不適
北角中醫 (朋友介紹)-> 唔建議化療，話中藥一樣有化療既效果。
結果阿媽接納左北角中醫既意見(因為同佢既意見一樣)，由21年3月開始睇，由日日都要飲一劑藥，到依家一星期飲三次，touch wood so far so good
我同阿哥支持佢既決定，因為病人既信念好重要，揀得邊個方法都要信，保持正念。
加油呀姊妹，陪多d媽咪，俾佢知道你地支持緊佢。
14個讚
家人也都傾向媽媽意願. 明白的.
只是仍會掙扎到底那個才是最好的決定 
媽媽其實不太願意說太多個人感受, 她一直都是把所有事收收埋埋.
其實今次發現有事, 如不是強迫她看醫生也不知那麼嚴重.(因為她4月開始說暈但不肯就醫)
內疚之餘. 又不想她之後那麼辛苦所以想了很多東西…
唉…總之身為子女真的感到很無助
謝謝你的意見. 之後再見醫生時我們會問問的.
- 其實我們覺得不算大年齡.
可是媽媽不想. 她聽很多案例都是做了化療而走所以很恐懼.
當然我們也不想她辛苦. 所以大致都會依照媽媽意願而行
謝謝你的意見. 看完我有點想哭.
我會把你的案例和意見跟我家人談談的. 十分感謝.
如你所說一樣. 其實就算最後迫到媽媽肯做化療. 她沒有信念只是痛苦. 所以我們也都不傾向化療的路.
希望可以不同意見和其他方法令媽媽之後的路比較舒服 .
可以請問一下你的中醫資料嗎? 我也希望媽媽開始服食中藥.
謝謝你
睇腫瘤科中醫舒緩治療啦
有冇多少少資料
我媽做咗大半個化療療程都冇改善，佢而家好灰……佢已經人生第三次確診癌症，其實唔係好想化療
我哋都尊重佢決定，佢如果而家唔想繼續都唔緊要
不過佢好驚睇中醫，因為我兩個舅父發現患癌，食咗中藥冇耐就走咗喇
只可以陪伴，媽媽咁大個人佢有權選擇
既然佢唔想化療，我會尊重佢
計劃下有冇咩地方佢想去，一家人留個美好回憶
反正世界都開放了
中醫係醫唔到癌症
我先生的姑姐又係乳癌，做化療，醫生又話ok la.之後不到半年，又話肝有事，走左。所以都係尊重病人意願，化療真係幾辛苦。尤其宜家醫院唔係咁易去探病，病人在冷冰冰的病房，心情自然唔好，身體邊度可以好吖。活都要活得開心，而不是純粹為一口氣。。，係經過多過認識的人離世感想。。。
以病人利益依歸；
以病人意願為主。
睇番病人意願，同本身體質
問埋要打幾多針？療程持續幾耐？
如果本來已經多病痛，再打化療身體未必頂到
用最舒服的另類療法幫助一下，例如飲食，中醫，氣功
如果身體好，療程短的話，試試都好，時間好快過，加埋中醫減低副作用
你媽咪幾歲？
我媽咪係71歲確診，都係三陰性，仲要擴散到全身。佢唔想做任何治療。但睇開既家庭醫生都建議佢試左先。由於佢粒野好大，抽左組織埋唔到口，同埋擴散到骨，盤骨痛，所以先做電療，希望減低痛楚同埋令到粒野埋口。
做完電療，效果麻麻，再做左一次化療，無乜野，但再做第二次，就敏感，天意唔使再做。
跟住就好唔舒服入左院，做舒緩治療。兩個月就走左lu。
由於我媽係兩年前發現，不過隱瞞我地。到真係發出黎，我地知前後剛好半年就走左。家人我地係唔捨得架，不過佢揀左呢條路，要尊重佢，調整自己心態，盡量陪伴到最後。等佢放心走，因為佢最後係好痛，佢走左可能對佢最好。
另外，三陰性乳癌係最惡嘅一種，係無得食標杷。
1個讚