香港人係笑中有淚
所以話大把外國護照未走一樣
鬼佬樣更加安全
好欣賞你呢個主題，令唔少人不只看見美好的一面， 還有好多好多要適應要習慣的一面！ 而令我最欣賞嘅係你頭腦清醒， 即使融入很難， 仍然記得不要忘記離開的初心
1個讚
其實係賭緊未來有幾美好
1個讚
淨係自由同唔使出入嘟嚟嘟去都一定係呢邊好嘅
只係傷痛一直會存在
2個讚
傷痛係過去架嘛
就好似曾經分手，再有新戀情一樣
2個讚
一時三刻就未適應到，不過比起之前好多了
1個讚
筆試完咗好耐啦。
真係要考咗筆試先，否則排唔到車試期，要排幾耐
考車呢件事要儘快早做，搞好耐，又好難。唔係俾個目標，而係生存技能。你而家未用得著，但都你要用嘅時候就趕唔切
2個讚
有份工會好啲，逼你融入
我過兩個月都開始返新工，心情都有啲緊張，冇辦法啦，驚都要頂硬上。我哋香港人能屈能伸，唔會衰得去邊
講返正題，之前我幫隔籬鄰舍淋花，覺得幾好玩喎，本來冇諗過自己會鍾意園藝，但而家都會睇吓點打理下花園，買咩室外盆栽返嚟。我想講嘅係有啲興趣你從來冇諗過自己會鍾意，直至你試過為止
3個讚
我吾返工都覺得時間好快過， 岩岩搬完屋， 住一年又搬過， 攪轉地址都有排攪
我都有望過下d工， 但英文未有咩信心表達得好， 所以都未敢send cv
1個讚
樓主加油
有無同隔離屋傾過偈呀?
話咁快就係度住左兩年。
記得最初討論時有講過，都係維持自己本身既生活方式，無感覺到適唔適應既問題。
到住耐左，會想下融入既事。
結果都係唔清楚融入既定義，照樣按平時咁生活。
例如，我唔飲酒唔睇波唔睇電視。雖然係三大英國人喜歡既活動，但我無理由來到就突然變得有興趣架嘛。
近來比較多忙住幫忙家長朋友。
因物價飆升，哩度唔少單親家庭，要延長工作時間以應付生活，變左細路只能自己獨自返放學。
我咪順便接送埋佢地既細路，等細路唔使落雨行，家長又放心。另外，又會幫下條件差的家庭做下 DIY維修等事。
本地人好要面子，即使有困難都唔會講，唔會接受別人幫忙。要熟到一定程度，先會坦白講出來。
我係香港時都經常幫助身邊既人，所以生活方式並無改變。
我宗旨係只幫助有需要既人，而唔係額外想要既人。
因此被哩度既香港人圈子排擠掉，佢地認為我只幫英國人而唔幫同鄉。老實，你地個個都有閒錢。只不過係孤寒先搵我去幫忙，我咪直接答可以去搵咩公司大概幾錢咁。
而家我係度只有一班本地朋友，香港人既圍爐圈當我係陌生人。
15個讚
我朋友喺香港，都講過差唔多嘅話。
當年佢因為仔女大咗，有啲中小學嘅小說，讀本想送俾有需要嘅人，結果搵佢攞書嘅人，好多都係啲中産，我朋友覺得： 中產有錢自己買啦。
2個讚
咁咪即係融入左🫶🏻
融入係指和而不同無衝突無令對方唔舒服姐
我覺得掉返轉睇香港新移民，佢地做咩我地接受到佢個人，咩接受唔到，就大概知咩叫融入
我就覺得香港人本來好多都係好貪心未戒奶既，畢竟克己都唔係人類既天性
2個讚
語言能力問題、講到幾句咋、咁就算香港都唔係個個啱傾、我明既、第一次做新移民、學習接受自己用緊果套同呢度唔同囉
1個讚
請得你即係你有能力啦、加油！
我好港女見蟲真係會大叫、園藝搞唔掂、不過我同意嘗試多啲、以前營營役役放假就去街飲飲食食、真係無諗過要培養興趣嗜好
係、無車要搵工都難、我問過人筆試都要排同難架
、你考自動波定棍波？
你做得好好，係真正香港人特質
2個讚
當初黎時覺得要識到本地朋友，唔好淨係香港人圍爐。結果係冇乜識到本地人，有時做嘢會同d客吹兩嘴，但發覺礙於英文一般，有好多野自己都唔知點表達。
另一方面，都只係識到幾個香港人，但真係主動搵佢地傾到偈都只係得一家。其實都想識多d岩傾嘅朋友，不過真係唔易
1個讚