朋友話聖誕好多臨時空缺、我懶囉、又想趁聖誕帶小朋友周圍玩下、都係入職大好機會
2個讚
英國人都唔一定肯馬死落地行，所以引申左另一啲社會問題
如果啱黎，又冇經濟考慮，輕鬆玩下先，香港人都好攰，唔使咁快了解英國社會現實住啦。
7個讚
PT 囉
都係睇人如果唔熟嘅，風花雪月，天氣，食物，通脹…女人通常講下shopping, 扮靚。
再熟啲嘅咪可以講下英國香港嘅關係，香港而家嘅近況，英國保守黨嘅執政…
1個讚
我諗hea 多排都會搵下義工做先、呢度好多慈善店、跟住就要學車、目標好似上面片咁搵份唔駛咁用腦既工
1個讚
我係香港都唔多慣同家長傾計，嚟到英國要用英文情況更嚴重，見到家長我直頭想避開，好怕撞到人要傾計
而家忙著學車，照顧小朋友，睇下bbc劇
3個讚
真係經歷過先知香港人有幾攰、躺平下先
2個讚
你可以搵下自己嗰區嘅政府website, 會有啲英文班報，如果你符合資格，就可以免費上，我9月開始都上緊堂，online Google classroom, 一星期兩堂，幾好ga
2個讚
義工一星期一日咁先都可以
我呢幾日睇返 Paddington
BBC 有得睇
我感覺係呢幾年社會嘅狀況+移民變得五勞七傷，過到嚟要抖下
4個讚
好多本地人聽到我地香港過黎，都係問呢啲話題，有時真係無力提傷心事，所以都係偏向少同本地人吹水，除非已經相熟，可以唔使再重複講呢啲話題嘅朋友，我先有心力同佢地傾計。
我自己英文由細到大都差，程度係僅僅夠同屋企菲傭日常溝通。本來以為呢樣會係我識本地朋友嘅大障礙，但原來唔係，而係真心文化背景不同，好難逼自己去搵話題傾，如果有合適話題（例如育兒、寵物），英文唔好都一樣傾得到。
4個讚
呢幾年心底裡嘅傷痛真係只有香港人明白，自己無辨法只係開心吃喝玩樂，唔再思考將來。我有努力返工過新生活，有努力識新朋友，但係個人真係好攰。
其實都係，我又覺得唔駛同本地人講得太沉重
風花雪月亦可
1個讚
我啲英國同事多數 廿幾三十歲，唔知香港係乜，多數講去歐美旅行。我又冇乜興趣
三四十個啲好工作型，我又唔係
佢地好少討論政治野，除左肥波落台英女皇走。不過都有滲下，太概知佢地點諗自己國家
講是非，我多數當聽唔明算，唔會加把口
1個讚
咁可能係你英文無你諗得咁差
以前工作上應用還可以、但我small talk 真係唔掂
筆試未？學車都係大project 、我覺得有目標係好事
我接觸到有啲人仲係覺得強國好富好勁想去搵食、有個仲要家人係香港工作冇返英國兩年幾、更加理解唔到香港人點解無工無樓都要成家走黎、又唔介意搵最低工資、可能我哋而家想追求既其實係佢哋一直都擁有啩、誰會珍惜當你還擁有….
1個讚
如果我好似佢哋咁有個英國護照隨時返到英國，我都唔使咁啦
我都會吃喝玩樂但就好似書中形容既大失戀咁、有段時間放唔低同唔甘心、笑得再開心都知同以前唔同了