其實要探幾耐先算係探路？
我覺得冇乜用，探路同旅行一樣睇唔到啲乜
7個讚
睇下憎唔憎個地方掛
幾十年前可能要嘅，資訊太少
探路起碼都一個月。
好多都未去過個地方（旅遊都未試過），你會心思思想玩，所以預留啲時間畀自己玩到可以收心養性，然後行下社區認路認車站。有啲野地圖睇唔到，例如捷徑/小路/工程繞路。觀察附近有咩鋪頭，幾點開關門，萬一有咩突然需要都知道去邊搵。
1個讚
視乎本身知幾多同想知啲乜。
完全未去過、無親友、有小朋友；同
本身有一定research，大人去，
已經差好遠。
就算只係一星期，
完全唔去玩，做足事前準備，每日跟住planned itinerary 去做，搞銀行嘢，睇屋睇學校，
都已經可以睇到好多網上唔會知嘅嘢，同建立左啲connections，幫之後land得順利啲
2個讚
一定要住落先知舒唔舒服。
有小朋友又要睇下返學開唔開心，校風、老師如何。
不過都要視乎探路幾耐，耐嘅點返工？辭得工嘅不如直接過嚟
我身邊冇人探路，冇人有大問題
我自己覺得探路筆錢放落移民度好過
係咪唔用BNO visa 入境？先用travel visa?
但小朋友點樣探住路返學？冇BNO visa未派學校喎
所以如果有細路唔覺得探路好有用
1個讚
探路又唔會有機會返學架WO
不過搵下屋睇下樓都好嘅，最好就係有朋友住嗰度介紹下
探路就一定要多錢先好做，來回機票都可以租到一個月B&B了
我地當時有用3 個星期探路，主要係鎖定2-3 個地方，每個地方行下、住下，我覺得可以睇下市容 / 治安、環境、社區規劃、商鋪分佈、喺返學/放學時間睇下目標學校既學生、校風，其實都有用。
4個讚
3-4 星期為基本。不過我去過一個地方、住親戚家、去左5日我已經喜歡了個到生活。有親戚朋友帶著同自己去探路可以是2回事來
1個讚
去一個月
應該問，你探路想睇咩。
我覺得去當地住下airbnb，每日自己搞掂三餐，可以感受到家庭主婦方面嘅工作。又可以帶小朋友去附近玩下，感受下娛樂設施。試下當地交通，喺返工時間坐/渣車。最重要係探朋友，最好可以跟埋佢哋接小朋友放學。
至少去兩個城市，做齊上面嘅嘢。做齊曬，就叫做夠啦。
如果帶老人家，探路就好重要。有啲老人家期望太高，去到發現好悶，急急腳要返香港。
如果可以跟著朋友，體驗佢哋一日嘅行程就最好
如果要探, 都起碼有目標地區先
無咩用㗎！
只係睇到「硬件」，
是否生活得舒服，
除咗天氣之外，
睇你當時遇到咩人和事，
就算 幾好 或者 好差，
時間過去，又會另一番遭遇。
我聽人地話想探路咋
硬件都憎就可以唔駛去咋
2個讚
唔係疫情我都想當旅行咁探下路先、帶住一家大細未去過係好大壓力、而家就覺得一家大細最好有先頭部隊、咁大家都無咁辛苦