上年係到開咗個post 講同一個男同事反晒面既事
一年後我地都仲係同一team, 只不過已經唔會講野咁滯。加上同team 又請咗新人，冇咁多野要同佢正面夾。有新人之後佢就明顯hea 咗好多，推晒啲嘢比其他人。
最近終於有好消息啦。
咁月頭team head同我哋講，公司第二個office （第二條team) 要幾個人，想叫佢調過去。 佢就好唔情願，因為遠啲，同埋個條team 要出街見客。
佢就愈來愈唔合作，有關handover 既野特別差，好似我既email 問佢既野佢唔會覆，同佢講叫佢答返佢就會話收唔到之類。總之就係搞好多小動作，又拖長啲野黎做最後一秒先交。（我都唔想接佢嘅野，佢好似覺得我搶咗佢啲嘢來做）team head都知知地但唔知點解就好容忍佢，好似覺得對佢唔住咁。
就係咁我諗住忍多佢一陣就算。但我發現原來同HR 爭取緊調過去嗰條team 既senior 位（升職）。
個下真係好無奈，第一係你打算上位點解要玩我哋留低喺度嘅同事呢，第二就係team head揀佢係見到佢做野越嚟越唔掂，根本係想唔要佢，仲學人諗升職。
我知其實我以後基本上唔會見到佢，應該要拍爛手掌，但係諗到佢咁樣博升職就覺得好炆憎。