其實自己知自己事，想攞安慰攞唔到 
1個讚
介唔介意講下求邊方面既野
同埋幾多號簽?
呢度好多網友
可能有人幫到你?
1個讚
搵咗解簽師傅解了 
求事業，60，話搵工有阻滯
求財運，32，冇起色
黃大仙 or 車公?
1個讚
黃大仙
有啲想再去車公試吓求吓安慰
話俾我知黎緊一切都會順順利利⋯ 
師傅解得對，你年尾求簽，好壞都係今年嘅事，挨多幾個月過咗年再去求過。
黃大仙第60簽 李白醉和番書 中平簽
和 番 醉 筆 似 雲 煙 ， 日 在 長 安 酒 店 眠
倘 遇 唐 皇 頒 令 召 ， 重 呼 不 上 木 蘭 船
李白係 hea 爆返工，耐唔耐就射波嘅員工，所以，如果你搵啲壓力無咁大，part time 之類，係有機會嘅，如果公司或工種要你好有紀律，好多限制，就跟你呢幾個月嘅運氣唔match, 就好難搵到工。
黃大仙第32簽 蘇武牧羊 中平簽
十 九 年 前 海 上 辛 ， 節 旄 彫 敗 逐 沙 塵
餐 毛 嚼 雪 誰 憐 我 ， 惟 有 羊 兒 作 伴 群
大漠風沙牧羊人，邊有錢，人都見唔到一個，所以應了窮字，但牧羊人點都有少少食物令自己生存和工作下去，未死得，所以呢幾個月只求平穩生活。
17個讚
謝謝你，另一半唔會ok我搵住hea工/part time，佢覺得付出同樣時間點解唔做返我之前嗰行，可以搵多啲（我做了幾年ftm依家出黎搵返工）而且佢覺得我嗰行好缺人我好易會搵到工，但我唔覺
真係好想快啲搵到工，愈耐個人愈負
希望快啲到1月尾新年再求過
1個讚
提提你：
求左就應該信
唔信就唔好去求
試下改變心態或找其他人解簽
唔同人解，同一件事，角度和效果可以好唔同
在這個時勢，唔太差已經贏左
即當大家都只有70分，你60都已經算收貨
加油加油再加油
8個讚
謝謝你
1個讚
巴打唔知可唔可以請教你多一支籤呢？
我幫細女求了81籤，睇吓黎緊會唔會順利考到龍幼
冇搵到師傅解，只是自己解讀，應該有機會？
第81簽 中吉 古人占驗：子路拱雉
山梁雌雉得其時。上下飛鳴自樂之。
色舉須知翔後集。作聲三嗅過山欹。(欹音倚)
你求果陣有無落雨？落雨求嘅簽唔準架
同佢講，騎牛搵馬可以嗎？
落雨去參拜都好似唔好
嘩…
唔講唔知
點解嘅？
黃大仙第81簽 雌雉朝聖 中吉簽
山 梁 雌 雉 得 其 時 ， 上 下 飛 嗚 自 樂 之
色 舉 須 知 翔 後 集 ， 作 聲 三 嗅 過 山 欹
名幼比喻係靚雀，考名幼即係簽所描寫嘅上山觀鳥。 觀鳥和 interview 一樣，太大動作，發出怪聲，講錯野就會嚇怕雀仔和老師，一驚就走。 觀鳥者/考生應該跟大自然/學校氣場一樣，溫和可親，就可以留隻雀在身邊多一點時間。 但最後一句 「 作 聲 三 嗅 過 山 欹 」唔係幾好，雀仔叫三聲之後就走左，可能係 interview 多過一次之後個 offer 都走左。
6個讚
或者咁諗，中平都唔係咁差
你缺乏既似乎係自信
先裝備好自己再出發
做運動 修身 扮靚 讀下ERB課程進修等等
冇啊！好熱好好天 
但係每間interview只會in一次
我可唔可以理解為「如果in得太多間，第3間打後嘅機會可能會細啲」
謝謝賜教
謝謝你的確都關自信事 
依家日日睇吓Job ad, 試吓練講野，希望有interview時可以好好表現