本身在香港無樓賣，做緊IT support ，無咩儲蓄，幾十萬左右，諗緊係唔係應該儲多啲先走？
走又應該去大城市，多工作好似。
定北面二線城市 Sheffield，Leeds，New castle 慢慢駛
長遠留在香港好似會出事咁，好苦惱
幾十萬就唔好諗啦
5個讚
基本上唔夠錢full pay 樓/比大部分樓價都要兩個人返工，而你地有個細b要照顧即係只可以一個返早更，一個返夜更，要有心理準備要過好幾年咁嘅生活，接受到咪放膽一試囉。
2個讚
為什麼移民？
幾十萬係30萬定90萬，已經好唔同。
我都係1家3口，都係得幾十萬，但我會照走。（等緊考車牌）
但其實人地講咩都冇用架，每個人背景都唔同，最緊要自己計掂數，例如一嚟已經要比visa，ihs，買機票，會唔會船運，租樓預交1年，落地要買車，計左呢條數，睇下淨返幾多流動資金。
另外，睇睇喺英國你可以做咩工，未做返本行之前，願唔願意做住d較辛苦嘅工先呢？另外，小朋友幾大，返學未？如果返左學，另1半可以返pt，甚至搵到ft的話，咁2個大人都係ft，絕對搞得掂，甚至有錢儲。如果1個ft，1個pt咁就可能月月清。如果只得1個ft另1半要湊小朋友，咁就可能要食老本。
可以去rightmove之類睇下你有興趣落腳嘅地方嘅租金，咁可以計到每月大概開支。
希望你都一切順利。
16個讚
好難俾意見你
有人二三十萬都走到
有人要full pay一層樓先走到
要睇你年紀同家庭負擔
你可以去reed, indeed, linkedin 睇吓邊度多你想搵既工種, 再決定揀邊度落腳
3個讚
二線城巿都有好區域，屋租一樣貴，而家物價貴咗，要計好數，如果得一個人做嘢，最低時薪每週扣NI扣tax扣pension得返3百幾鎊
最主要睇你小朋友夠歲數番學未，番學就可以2個大人出黎番工，情況好好多。
如果未番得學要媽媽湊既，就睇下自己接受到生活質素下降去到咩程度。
細b 要自己湊, 如果唔係, 托兒或幼兒園好貴
IT 大城市好好多
leeds, shefffield d 樓都唔平喎
其實話就話2個大人出去做嘢，其實另一半只可返part time，英國學校嘅假期真係好多。
2個都返full time 真係要早晚更，夾好時間接送同請假先搞得掂。
1個讚
30定90先？
詳盡~~~~
1個讚
我有朋友帶40萬 （扣左機票搬運及申請費）到英國，一家四口。 租1000鎊屋，買架cheap 車， 女的做倉，男的做送貨（時間好flexible,總之一日內送晒就可以），所以男可以送埋女的返工放工，送小朋友返學放學， 一個月可賺多於2300鎊（已扣稅），夠每月開支及有餘
佢地小朋友都有7同11歲，所以可以獨留在家一陣
但老實講，佢地都有講難以儲到錢買到樓，而且現在能源支出同租金上升，佢地都擔心
3個讚
一個月賺到兩萬港紙，係發得掂，不過就冇多餘錢，唔好諗買樓嗰啲住，諗生存先
睇你想要啲乜
survive都會經常有挫敗感覺，同香港以前好日子比較，當然係不理性嘅，但係必經階段
1個讚
Exactly！我住個度Ｄ香港人好似唔使返工咁，有人專職湊小朋友返放學，不過佢地個個都full pay左層樓，淨係揾生活費可以pt都夠
2個讚
未必咁灰既 主要睇你過到去搵到咩工
如 你英文ok
如 你所屬既IT工種搵到比較多錢既 (可睇下英國求職網)
扣除前期開支 預夠一年(無工作下)的生活費 仲等咩呀 出發啦 
(點都有工返的 騎牛搵馬啦)
得50 萬 
咁絕對夠你第1年落地用，係要再研究下我之前講嘅野，例如工作方面，落腳點等等。
1個讚
搵£1000以下，最好唔一定要買車出入嘅位置應該會好啲
或者唔一定做倉，零售店員都應該成日請人