喺呢個半月以嚟，我真係日日喊
8月頭照Oscar，姑娘好凝重咁話，而家重點已經唔係度頸皮，係見到BB個腦有問題
跟住過兩日要再返醫院俾醫生照
結果都係唔好，醫生話見唔到BB個腦，同埋有腦積水，建議我哋可以出去搵多個專業意見。。。
跟住打去林勇行醫生預約早期結構，姑娘知我情況都俾咗個快期我，咁啱生日嗰日去，林醫生話建議放棄，等自己早啲唔要唔使咁辛苦，不過佢都有話，呢啲情況好少見，可以等多陣BB大啲可以照清楚啲，但我生日嗰日真係喊到好絕望。。。
最後我同先生商量，想等BB多個幾月，想俾個希望自己，因為我真係唔想落。。。
跟住同時要返公立醫院抽絨毛，其實都幾痛，同埋喺度諗點解我要經歷呢啲嘢
到前兩日先收到報告，順便要返醫院照超聲波，醫生照完，話其實13週照到而家17週，都見唔到有啲咩進展，而絨毛報告最後係無問題，但點解要成個月先有報告，係因為一開始個結果見到第一對染色體係來自同一人，而唔係來自父母各一半，但實驗室見到另外22對染色體又冇呢個情況，所以要拎啲絨毛去培植，然後再test，最後結果又無咗呢個問題。。。
所以醫生建議抽羊水，可以更加清楚究竟基因有咩問題，去到呢一步其實我都好攰，我唔明點解呢啲咁嘅情況會發生，又話抽絨毛睇BB晶片已經係100%，最後又要抽多次胎水，其實我身心都真係好攰
到而家呢兩日，我睇定左一啲未夠24周胎兒可以點樣安葬，我又諗定整件衫仔俾bb著，我真係好想話俾佢知，其實我真係好唔想唔要佢，但我真係無哂辦法。。。
2個讚
你都明白，抱抱
傷心，但都要繼續做決定，等身體休息復原
希望之後可以安排做一啲身體/基因?既檢查
了解下身體狀況先決定下一步
Bb衫仔一定有機會著既！
可惜並唔係呢個
但佢會去天上樂園睇住佢既父母，祝福佢既父母
比時間自己傷心，希望傷心過後可以振作
2個讚
作為媽媽，睇文字都感覺到你嘅心痛
抱抱
祝福你同bb
1個讚
完全感受到你心痛同無助
bb 發育唔健全唯有放手，佢今次帶漏咗嘢，送佢返天堂休息吓先。佢下次一定執好行李帶齊嘢返嚟你身邊，保重
6個讚
樓主，我知每個bb都得來不易。
不過我會用理性咁去睇件事，到呢一刻都照唔bb個腦，我會即刻做終止懷孕手術。係，冇咗bb係會好傷心，但bb生出嚟後，佢有可能要承受更多嘅辛苦，所以我會忍痛選擇送走bb.
不過無論係點，都係你同你先生嘅選擇。祝福你。
7個讚
好老實，如果我係個BB都應該唔想出世，太受苦。樓主保重，早日決定對大家都好
好想畀個擁抱你，作為旁人都好心痛，想像唔到你經歷呢啲野有幾難過。希望你身心都可以快啲復原。有咩想發洩就黎呢度搵大家傾
睇倒都好心痛，攬攬你
正如上面有comment 話齋，BB今次唔小心帶漏野，下次會帶齊架啦。
加油，今次好好地say goodbye，要保重身體
曾經聽過有人第一個BB發育不良，最終要流產，幾年後先再有BB。
小朋友3，4歲時同媽咪講，我揀咗2次都係揀返你做我媽咪。第一次我未準備好，第二次我係最好狀態先見你!
要放手應放手，有緣定能再會!祝福你同BB!
18個讚
佢未ready jie 唔關你事既，唔好傷心，同埋我諗佢都唔想既。天上面d小天使鍾意揀happy mama做自己媽媽係真既，所以你要快d鎮作，養好身體執靚間屋(子宮)，約定肚入面既小天使再見。
1個讚
媽媽辛苦了，睇到你由一個女仔經歷懷孕過程中的苦與樂。
你已經做到最好，問曬最top醫生意見希望你同bb都有一個對你哋現況最好的決定！
我朋友第一次懷孕冇咗喊到死去活來，三年前嘅事，而家已經陀緊第二胎了，好健康
所以樓主要振作，加油
我前日21週引產咗
塞咗6次藥
Bb好乖好錫我
由穿水到完全排哂只用咗1個鐘9個字
我心真係好痛
好想有人話我知 bb係會返嚟
我哋琴日見bb最後一面
Bb個樣好安詳
老公播咗首you are my sunshine 俾bb聽
好痛苦
好想聽bb同我講話唔會怨我，會再返來搵我
我真係好掛住佢
23個讚
