我姪女會將啲公主咁樣畫
有啲公主仲係佢鍾意嘅
但跟開佢個社工又無comment
想請教下佢想表達啲咩
感覺太黑暗
其實就算識,都好難就咁答你
因為愈係識,就愈需要更多背景資料嚟了解
就等於十個人頭痛,可以有十個唔同原因一樣
我相信社工心裡有想法,但可能唔可以直接講你知
只能夠話,呢個小女孩似乎係有啲唔開心,可能係生活上一啲限制,或者係經常被人話,亦有可能係創傷,太多可能性
4個讚
謝謝 回覆
我都講多少少背景
姪女喺幼稚園係品學兼優嘅學生
不過有時放學就會同細妹爭得好勁
乜都會爭一餐
最常見就係爭媽媽
然後有時指出佢唔岩嘅地方會大嗌
嗌到爆青筋嗰種
咁樣其實你都已經知道原因
其實要知好容易,要解決先係難事,而解鈴還須繫鈴人
其實小朋友嘅問題,不外乎都係缺乏愛同認同
只要父母願意俾多啲認同,同埋令小朋友感受到父母嘅愛,好多問題都會迎刃而解
5個讚
圖一，無嘢好講
圖二，無眼睇
其實有時唔需要小題大做，爭寵好正常，需畫嘅嘢真係見人見智啦，可能鐘意呢，無特別原因
2個讚
缺乏安全感，叫小朋友父母多啲關愛個小朋友
2個讚
又唔好過份解讀先，黑暗係你主觀想法嚟
可能小朋友好簡單，想幫個公仔化妝都唔定，可能佢鍾意黑色，可以有好多可能。
與其問人點解，不如直接問返當事人，好似講笑咁問下佢，嘩，你幫個公仔搽咗黑色唇膏喎，你好鍾意黑色架?
10個讚
叫老師喺學校留意下？
或者返學時嘅圖畫係點？
我地都覺得無乜野
係有個親戚話咁樣好危險
嚇一嚇
要網上問意見
希望可以消除疑慮
學校會畫I love mama 畫
老師眼中係好幫得手嘅學生
畫野買野會揀媽媽喜歡嘅顏色
如果平時小朋友無咩怪行為，唔需要太緊張，藝術嘅嘢，真係唔多人識
我仔細個時油顏色專揀黑色… 有時仲懶到用鉛筆油 (屋企大量顏色筆)… 佢覺得黑色與別不同, 同埋佢唔鍾意油顏色, 所以用黑色求其油 
好多小朋友都中意油黑色。我仔本油顏色薄架架車都黑到咩都睇唔到。
佢話佢好中意黑色。搵唔到黑色就用啡色。
唔
要問下個小朋友點解咁畫，睇佢點答
聽你描述，有機會個小朋友有地方抑壓緊自己但佢唔知，身邊人就以為佢係貼心小天使、品學兼優好學生，但其實只係佢換取你地對佢關愛既一種方法，而且咁樣換取係有d唔健康，因為愛應該係無條件，唔需要壓抑自己都應該得到父母所有既愛。
黑眼黑咀，可以解讀成，我睇到既野我無需要講出黎，一係比人stop 唔比講，一係知道自己講出黎無人愛。thats y 唔需要眼同咀，可以黑左佢。
不過，都要同個小朋友傾下先，可能真係無野既。
1個讚
好似呢d 比到reasonable ge 解釋，就真係無事
我有朋友個仔畫人無手無腳，佢話佢地無需要手腳，其實有事。
我記得好多年前幼稚園老師因為囝囝畫的畫而打過來關心同叫我留意，朋友認識其他幼稚園老師，都話老師會留意畫作構圖同顏色，因為小孩表達力有限
不如同老師傾下，有疑問再找專業人士問下，明愛有專業社工可以同父母傾下，計劃名我忘了衹記得好貴
謝謝你千字文
文中好似平時嘅佢嘅內心
學校模範生
屋企情緒每日失控幾次
社工話佢比真實年齡大三年
唔知係長姊嘅關係
定係佢迫自己長大
好想有人欣賞佢
如果無人睇倒
可能用負面情緒去引起注意
不過雖然我成日見佢
佢都唔係太講內心野
佢應該好多個保護膜
呢種情況要入手 都要等佢信賴左先
我好認同
愛係無條件
對身邊嘅人要有愛
做任何嘢都未必換倒愛
佢平日有無畫畫？
用佢既畫作分析會準確d
咁呢位小朋友應該係自細比較成熟懂事，心思細密，好就係識睇眉頭眼額，但如果佢乖都得唔到佢想要既關注呢？就會走向犧牲自己以換取大家既關愛。因此你話，大人一話佢就好大反應，其實係暗示緊佢已經付出好多，禁住自己好多，但你地班人都唔滿意！你地仲想點！你地仲想苛索我d咩！我已經就晒你地，點解仲話我！所以佢反抗好大。
似乎要放低一d成見，好好剝佢外面一層層既洋蔥，真誠交流一下比較好。
最緊要係令小朋友知道，愛係唔使委曲求全。唔想佢大個時，以為就晒男朋友/老公，答應佢地無理要求先叫做幸福。呢d係extreme case, 但好多時都係童年陰影造成。
2個讚
我都見識過幾個sensitive 既小朋友
佢哋好愛媽媽，可惜媽媽眼中亦有細佬/妹，佢哋表面接受但內心唔平衡到
最後都要佢哋媽媽配合，俾多D one on one 時間家姐/哥哥咁
不過好睇佢媽媽覺唔覺係問題