BB未出世
本身諗住買定Medela freestyle，因為見人推介泵得舒服d。
另外想用pigeon寬口樽餵奶，聽sales講用寬樽好過窄樽因為奶咀會接近乳頭感覺。
但陪月極力反對我用medela，話泵奶一定要用番medela樽，泵完又要倒落寬口樽餵奶好麻煩+未必衛生，變相要買+洗double數量奶樽（一set medela一set pigeon），如果用窄變寬connector又洗多樣野+未必衛生
究竟實情係咪好麻煩？定只係佢唔想洗咁多野？（坐月之後有工人姐姐，所以我唔覺洗多d野係咁大缺點）如果真係佢講到咁麻煩點解仲有人用medela？
另外想問要買多幾多spare parts？係咪指喇叭、connector、喉管每樣都會買spare？
謝謝各位幫忙！
P.S. 最大前提想泵得舒服，同埋無論如何都唔會考慮優合
好明顯只係你陪月懶啫，我都係用connector，好衛生，無問題。
我係用優合嘅，所以比唔到意見medela，不過generally我同意陪月所講最好唔好倒黎倒去（如果真係奶泵奶樽唔相容，呢個我唔肯定，建議買奶泵時直接問sales，佢地一定知），唔係洗多啲嘅問題，陪月講嘅衛生問題當然都啱，但作為過來人可以話你知，到時滴滴皆辛苦，倒黎倒去一定會有啲倒唔到，浪費左，成件事都幾崩潰（特別產後荷爾蒙影響）
至於spare parts通常建議配多幾個鴨咀(valve)，呢個算係最容易損耗嘅parts，而且係直接影響泵奶成效，因為影響到真空效果，我試過一直泵得70，一換左即刻泵到90，另外喇叭就真係因人而異，要揀個啱你乳頭size嘅，喉果啲反而唔會點損耗
我係用Medela 泵既時候，泵完再倒落奶樽比bb飲。
每次用完都要洗完消毒好，初生bb腸胃比較差。
可以既話你試吓埋身喂。
除咗損耗，洗唔洗買多一set spare parts，今次用一set下次用另一set，唔洗下下等洗等乾咁呢？
咁你嗰時覺唔覺得洗咁多樽好麻煩呢
？同埋係咪成日要開蒸機？（因為蒸機一次蒸得6個樽，泵+食一次奶就用左2儲奶樽+1食奶樽，所以蒸得好密？唔知我有無諗錯）
咁真係睇你實際操作，nb兩三個鐘要食一次，如果趕唔切就買多套好，我果陣nb埋身多
我印象中pigeon 奶咀可套落medela 樽，年代久遠，唔太肯定，建議試下
上一胎在公司用medela 大機（醫院級）+ pigeon 標準樽，喇叭&樽是compatible，不需倒來倒去
在家用Philips Avent 寬口喇叭 + pigeon 標準樽，中間用converter，其實converter 掂唔到奶，個人覺得沒有太大衛生問題。但要注意converter一定要fit，成個system要air tight
好多媽媽讚pigeon寬口樽好用，今胎都心思思想試
但係懶，所以都係照返上一胎做法
總結：
個人認為
-Medela 泵/喇叭好好用，舒服
-強烈建議唔好倒來倒去，induce好多野洗，就算有工人姐姐（我無），總覺得越洗得多野，洗得「唔夠乾淨」的機會越高？
我得1個泵奶樽，
3個飲奶樽。
每次泵完出嚟倒飲奶樽。
有時bb未醒，
或者一次奶量少，
就會夾埋兩次奶量倒比bb飲。
儲奶樽同吸奶買多幾個。
儲奶樽最好用玻璃。
我用膠既儲奶樽，消毒完都膠都熔埋。
我有將啲奶轉樽，因為我泵得少，所以一般都係兩邊夾埋先夠一餐，有時多啲啲、少啲啲，總之最後我就番BB一餐食幾多就儲一個奶袋入冰格，再由屋企人幫手浸熱倒入pigeon 樽
Medela 算幾舒服，但我出得慢，所以後期都係轉左大力啲嘅Youha，齋用部機同adaptor喉，再駁返medela parts 同樽，因為好洗啲，樽上啲Marking又好啲，又無咁大舊易攪啲
Youha機match到medela樽?
有冇諗過用medela sonata? 價錢同freestyle 差唔多但好用好多，醫療級好舒服，多奶啲
樽的問題，你每次泵的份量唔會同bb食量一樣，始終都係要倒來倒去調對份量，唔覺有洗多樽的問題，我係窄樽做儲奶，闊樽係餵，陪月都支持咁做。初時我係泵奶量>bb食量， 我係泵完一大樽窄樽後，再分配2-3安一樽樽闊樽放雪櫃，用袋入好用生野分開放, 食就攞出來溫奶，其餘多餘奶直接入袋做冰奶
起碼有4套輪流用，冇人洗懶啲咪買6套配件
利申：全泵媽
有條喉係Youha跟埋嘅，駁返落medela黃色嗰隻valve
我medela 係用freestyle
唔知其他款係咪都係咁駁
Thanks for your sharing. Sonata太大部，我諗住產假後都帶番公司泵，所以唔考慮
我老婆用呢個泵,入完樽就擺雪櫃,要飲就倒落其他樽。
係麻煩D,每次要洗多個樽,一日要洗+消毒兩轉。
我係用優合配Spectra 喇叭，有用connector 轉窄樽。connector 唔會掂到奶，其實都OK。
因為我set野係二手，parts 係趕住買嘅，所以都冇咁好心機研究要點配。如果成功上奶最好就全埋身啦。
陪月個意見其實都可取嘅，一日8餐奶，就算你泵3次，如果你有4個奶樽，2set奶泵都要一日洗2次，咁多野洗完都要分兩次乾。個logistic係唔係太好嘅，不過就算換第二個泵都係一樣咁洗到傻。
BB出世頭兩個星期我都少用奶泵，因為奶唔多，唔想啲奶留哂係喇叭倒唔哂出來。BB食唔哂訓左就用接奶器倒出來樽餵。
夠全埋身之後都係BB唔一齊先泵，我直頭懶到用膠紙痴住個袋係喇叭就直落奶袋，奶袋夾都慳返。唔想洗就用錢解決，一日幾個奶袋都仲平過餵奶粉就算。
我同意上面有人講唔係怕唔乾淨，係滴滴皆辛苦嘅時候倒來倒去，好多會留左係樽邊。雖然加加埋埋唔夠1ml，但係都會覺得赤。由其係啲奶凍左，啲油有時會痴住個邊倒唔哂出來，BB要肥就係靠果啲油架嘛…