自己都中年, 隔離個女同事26歲, 都係公司做左幾年.
女同事都係善良, 但成日講粗口(有嘢做又講, 講笑又講)
佢由一個XL size健身去到L size, 當然都好欣賞佢. 不過唔知道係咪因為咁, 每小時佢都係度講健身嘅嘢(唔係細聲架), 一係就上youtube睇健身d片. 食親咩都PPP(蛋白質), 佢把口真係唔停. 影響到我成日做緊嘢都聽到佢把聲
我最唔知點做係, 佢真係好粗口, 又成日壓到把聲好似男仔咁, 成日話"X你" 真係好唔識咩叫尊重
講真我好介意囉, 但佢一定唔覺得自己有問題, 請問可以點做? thank you
直接同佢講, 你唔鐘意用呢種方式交流囉…
佢同你講嘢都會夾雜粗口？
如係，你試下同佢講，唔好成日同我講粗口呀～我唔係好習慣
同事嘅嘢，唔夾 hi - bye 就算，反正 friend 又好，唔 friend 又好，未來辭職之後恩怨都會淡忘。
粗口睇公司文化，大部分人，包括老闆都係咁或者唔介意，你就包容一下，在辦公室被 label 為另類，你會好痛苦。 我明白有人對粗口好反感，但辦公室生存之道係要自己有一定地位，先可以令人跟自己嗰套去生存。 我舉個例，我客人公司一向俾人著 jeans 返工， 當時個 HR manager 係接受到，但係個 HR assistant 係唔 like, 幾年後，有日我個客著西褲落 site, 我問佢做咩近來咁靚仔，佢話 個 assistant 上左位做 manager , 一定要 business casual dress code,
我作為一個 gym 友，我絕對接受到佢，可能仲好夾，呢啲女仔你當佢兄弟好了。 友善嘅語氣 講X 你係一個親切嘅表達方法，無惡意嘅，佢當你 friend, 或者係一個好嘅同事先同你分享咁多嘢。 你要耳根清靜，一個方法，同佢反面，以後就唔會同你講收工後私人嘢。
我有同佢講過
但係佢唔覺得我係認真
為左呢樣嘢發火話佢又好似好無謂
佢成日話我老
心諗你都26歲
對十幾歲果d人嚟講
你未又係老
咁大個人控制到去勤做健身
又唔見控制到自己把口
我都唔會同佢反面嘅
佢都坐左我隔離咁耐
講真, 公司唔係得佢講粗口. 然而, 佢係就咁望住個mon, 都係咁時不時講"diu 你呀"/ “百佳杏加橙” (唔細聲的) , 已經係佢嘅口頭禪
而其他同事, 都係會係勁忙而又勁火時講一句起兩句止. 算叫做有情商管理
我自己都係gym友, 一星期做4日舉鐵. 不過係返工時, 我會專心工作. 佢就成日網扣腰帶, 做gym衫褲, 包括底底.
我有一次同佢講, 你開口埋口都講做gym, 其實公司有幾多個人真係知你講咩? 我問佢有冇諗過轉做PT, 或者考pro卡 , 佢冇出聲.
有啲人要咁樣先思考到嘢，你包容下佢。
咁我覺得 office hour 做呢啲嘢好有問題，呢份工唔啱佢，你講得啱，佢應該轉行，趁後生呀！ 你下次表達得真心少少，關懷 tone, 咁佢轉左工你就安樂晒啦。
都唔怪得佢，你都係 gym 友，佢以為搵到同類，把口講唔停。
因應香港過去發生嘅事太荒誕，很多原本從來都不粗口嘅人都無奈以粗口發洩表達不滿，然而光怪陸離嘅事不斷繼續，以至很多人開口埋口夾粗已成習慣口頭禪助語詞
我知唔係人人慣聽粗口，不過職場上我寧願自己就人，都唔會想開口話人。聽落好似好蝕，但我唔會想樹敵，或者令人視我為另類
我都很怕別人講粗口
其實佢會話你比她老，已經不尊重你了
如果她再話你，我會籍此用長輩口吻，自嘲年紀漸大，不習慣聽粗口，工作太吵也不能專心工作，佢咁年輕，改變容易啲，叫佢當就下長輩
當然如果佢仍有所反駁，我可能會很不客氣地問她咁爛口，不怕嚇走晒啲好男人咩（笑笑口地暗串，唔好攪到氣氛太僵）
真心，講咁多粗口，有男人唔介意，未來奶奶都會介意，而且我覺得習慣成自然，唔通要做2面人，佢自己都辛苦，不如先在生活和工作慢慢介咗個壞習慣
係咪因為年輕一代係咁？
未遇過呢D人 咁我諗到咩方法就是但講 未必有用
聽落你都係想keep住友誼 唔想話面阻阻
如果唔怕面阻阻 你都應該有自己方法
主動叫佢講少D (你都講你有做 咁唯有再出力D)
不過粗口方面 都應該唔會work 你都試過
試多幾次佢會明既 至於仲做唔做到朋友 就交返個ball俾佢決定 你做被動咪幾好
可能我老，最近識左班妹妹，真係好多都加助語詞，好硬耳
唔敢出聲同佢講
佢實會駁
其實咩時代都會有人講粗口.
但係成26歲人仲唔識尊重份工, 尊重場合
真係要人認真咁"教"咩
咁搞笑，話你老？
佢覺得同你好熟呀？
就算再fd，我都唔會係公司講粗口，要分得開公同私。
或者我嘅工作未至於會燥到令人爆粗
我都覺~
呢d 真係唔識做人喎
大家一場同事
我會試探下其他同事/ 老細點睇佢呢d 行為
我唔會教精佢架喇
心底裡恥笑算
粗唔粗口, 睇對咩人咩公司文化喇
我都好爛口, 但只會對玩得傾得嗰幾個講
如果唔鍾意同事講嘢嘅內容或聲浪, 我公司D秘書會帶耳機聽歌, 聽電台, 佢哋話咁樣個人仲專心咗
搬阿爸阿媽以前成日講果句: 無大無細
可能老細就係鍾意佢講粗口先請佢呢
唔係個個老細都鍾意請斯文人，佢又唔係用粗口罵你，你理得佢姐。粗口都係廣東話文化既一種，我覺得完全無問題禾。呢個世界乜野人都有，你幾十歲人就學下接受唔同類型既人啦！
我唔知樓主做邊行啦，我份份工都係男同事多，差不多個個都講粗口（當然唔會响客面前講），唔講粗口既人反而無咁受歡迎。