我有個上司，平時無乜嘢，都好好人， 但工作起上嚟就會好急，佢會好心急，我只係慢少少比佢，佢都好似有啲燥咁（其實我都巳經即刻做，佢燥搞到我覺得我自己做嘢得好慢咁）。但其實我唔係想慢比佢，只不過係我手頭上又做緊另一個上司嘅嘢，個個都同我講急
，我有時都唔知做得邊個啲嘢好，有冇做開秘書，服侍開幾個老細嘅人可以教吓路，點搞好
佢係老闆, 想下屬快又好正常, 我試過幾次, 老闆叫急, 但手上D嘢又急, 我就好誠懇問佢"老闆, 呢幾樣都急, 唔知應該做邊樣先呢??" 佢一聽我咁講, 通常都收聲… 再唔係,我一般都會答幾時完成件事… 15分鐘, 30分鐘, 兩日咁囉…
1個讚
我巳即刻放低手頭上面嘅工作做比佢，但佢都係好心急，十分鐘內完成比佢都好似好慢咁（我自己覺得）
咁你不如講出口
佢可能唔知你係咪即刻做，所以成日催？
你下次咁樣，佢交野比你做，你就話「好，我依家即刻做，盡快交比你，大概x分鍾」
咁樣佢可能會安心啲？
我有講吖，但我有時同佢講我幫緊邊個邊個做嘢，佢聽到會有啲失望，因為佢實在係好好人，所以我聽到佢失望嘅語氣又有啲唔忍心，所以通常我都即刻話幫佢做，但可能我做嘢慢，佢expect 我即刻比到佢，但我通常都要半個鐘至一個鐘先交到貨，但佢又好心急
我自己係一個好心急嘅上司,所以我嘅員工有陣時都頂唔順. 我試過比佢哋發爛渣.
但係我知道自己有呢個問題, 有陣時真係唔記得咗自己咁心急,或者因為自己安排得唔好所以導致趕頭趕命(喺我嘅角度趕)。
純粹上司自己生活習慣咗急，唔覺意影響咗工作同埋其他人。
通常佢哋提出或者提醒返我嘅新唔需要咁趕，我就會放鬆返晒。你個上司如果好相與，不如每次遇到嘅時候直接同佢提出，我相信佢會即刻成日醒一醒。
死啦, 我就係呢種上司… 
(SORRY~~~~~~~~~~~~~~~~~~~~~~)
1個讚
，我想了解吓呢…… 如果下屬交得慢少少，你會唔會覺得下屬做嘢慢，無用⋯⋯定係純粹喺嗰個moment 因為好心急而燥咗其實唔關其他人事？
1個讚
AAA, 我要先說明…
我一向對下屬好客氣, 唔會鬧人, 當然, 佢地都知我性急.
如果做唔到, 我唔會覺得下屬廢…同話佢地做唔到野. 完全只係我個人心急既個性.
(並無惡意) 其實我好明白, 如果我下屬樣樣野都做到我要求, 樣樣野都做得好過我自己做, 咁今日做上司既係佢唔係我, 係咪? 所以, 我最多只會追下佢地, 有時會自己落手做埋. 但唔會鬧人.
1個讚
你同我上司真係好似，其實我對我上司無任何不滿，仲覺得佢好好人，我只不過係驚佢覺得我做嘢慢，廢啫。
其實有時可能你上司都交功課比老闆既有限期, 你做完佢仲要睇有無錯, 仲要做分析先present 得.
所以, 大家加工都布難處~~~
心急係性格，好難搞，仲要係你上司點樣叫佢唔好咁心急
我自己都係個好心急嘅上司，我會同下屬講明幾時要，或者問佢幾時比到我
費事大家估估下
我建議你可以每次接task都同佢講大約幾時比到佢因為你手頭上做緊咩，又或者本身你手頭上做緊咩，不過知道佢個task急啲會做咗佢嗰個先，大約幾多分鐘內比到佢。
其實佢心急或者心情唔好好多時都係因為唔知你幾時比到佢
又或者你最後交貨嘅時間同佢估計嘅有出入，心情先會有落差
又或者佢expect你可能用A方法快啲但係佢唔知道你淨係可以用B方法，咁你同佢講咗個預計時間佢可能會再同你傾多少少，其實最緊要大家有良好溝通
如果你每次都比一個預訂時限佢，佢心目中有分數咁就容易接受好多，同埋佢會覺得你有交帶
1個讚