想問下各位家長有冇野可以做得好啲幫個小朋友
背景：
小朋友：2歲，未識講好多嘢，心情靚時會講一堆發音唔太正嘅廣東話，有時估到有時估唔到
自小自己瞓，識落床之後，瞓醒會去爸媽房搵人/玩
問題：
最近呢一個月越嚟越瞓得差
夜晚十點趕上床陪佢，佢靜靜地但瞓唔著
未必會扭計，但好多時搞到十二點先自然瞓著
然後就2/4/6點醒，一醒就爆喊，爆發脾氣，唔俾人搞，大聲尖叫，通常最少叫15-20分鐘，叫到自己無力細聲咗，先至俾人抱番氹番，抱多20-30分鐘瞓返
朝早越嚟越晏先起身，以前7-8點，依家例牌9-10點，於是晏覺拖到5-6點先瞓得著（下午校小朋友），一瞓就瞓到8點先食飯
早啲叫佢起身會重複上面發脾氣
我覺得佢嘅脾氣來自於瞓得唔好
但唔知點做可以調節佢啲時間好啲
同埋佢一嚟料就大脾氣到氹錫抱全部唔要，推人撞自己等等典來典去，感覺佢好辛苦⋯⋯
佢唔係呢啲睡眠related嘅事情，佢雖然唔識講多嘢，但好聽話，好講道理嘅小朋友
希望家長們可以俾啲意見 
謝謝
有類似經驗，
正常推論下午太晚睡了
已經2歲幾，若八點先起身好難咁快再瞓得著
我小朋友更誇張是下午只睡15min 已經可以晚上很晚睡
最後我解決辦法是直接戒午睡
因為如果佢午睡左，晚上唔訓瞓少好多/睡眠質素唔好，計返total hours根本仲少
開始下午會眼瞓到發脾氣，過咗幾日調節左就晚上一覺訓10hrs up
我個仔午睡時間如果過左5點，我通常唔會再俾佢午睡，同佢玩下輕鬆下，寧願早d食飯，再早d訓覺
我大仔細個都瞓得差
最後發現太熱(我地比較少開冷氣瞓, 唔想小朋友全日除左公園時間就係冷氣房)或有蚊
同埋, 5/6-8pm nap 可以取消, 改去公園放下電好過
咁遲先午睡？咁梗係十點都瞓唔到啦，直接cut咗佢啦。
起床同睡眠時間就keep返9-10，晚餐早少少食。
5，6點先瞓晏覺，夜晚點瞓呀？梗係唔好比佢瞓晏覺喇，早啲食飯，早啲瞓就解決所有問題，幫佢調節番啲時間喇，全部攪錯晒，5，6點仲瞓覺？
有機會真係可能係熱搞到佢爆喊，有排我女唔肯著睡袋，我驚佢凍搞到較到冷氣溫度較高，個排就係兩個鍾醒一次喊到傻左，後尾我放棄左睡袋，較返低冷氣，見佢真係訓得好左，可能小朋友真係怕熱，我哋又成日怕佢凍親，特別呢排夏天咁熱…
5點食飯，7點瞓覺，睇下瞓唔瞓到12個鐘到第二朝7點？
唔訓晏就
認同樓上話唔訓晏覺，同埋樓主係咪想同佢溝通等佢訓醒唔好發大脾氣？
for 我小朋友的話同佢先同理後講道理幾work，唔知你嗰個有冇用，不妨一試z。
寧願skip午睡，都唔好咁夜瞓。我小朋友細個時返上午班，下午唔瞓，試過迫佢瞓（因為話小朋友要瞓多d），但最後夜晚會遲左先瞓。之後我skip左，夜晚就9點瞓，朝早7點自動醒。
唔係個個小朋友都需要午睡。
多謝你哋
熱嗰方面，佢間房係全天候冷氣再加風扇應該唔會太熱
同埋樓上講得好啱呀，我係好想同佢溝通
我知佢講嘢唔叻，佢都好忟，平時都引導佢慢慢講
但心情一差佢就唔理三七廿一推開所有人
我想抱下佢氹下佢都俾佢踢開
甚至佢會因此撞到就喊得更厲害
其實5點晏覺呢個我哋都爭扎咗好耐
過咗5點其實我哋已經無氹佢瞓
但好多時候佢係喺煮緊飯嘅時候自己返上床熄機
之後就攰到點叫都唔肯起身或者又發脾氣
兩個問題
睡眠問題- 試吓搵幾日唔比佢訓晏覺，然後調節早啲上床瞓夜晚嗰覺，穩定返早睡早起時間先
溝通問題- 要幫佢搵下點樣表達到自己。如果你話佢未好識講嘢，但兩歲又已經明好多嘢又有自主意識，咁的確會好忟憎，所以要幫佢搵方法。佢識唔識用唔同嘅手勢表達自己？或當佢發脾氣嘅時候，有冇幫佢講佢嘅感受出嚟？幫佢講出嚟會幫到佢學習明白自己而家情緒發生緊咩事，又會得到認同感，以及提高佢嘅語言能力。
呢個時間要陪住佢玩、撩住佢唔好俾佢瞓。
晚餐食下外賣先，或者晏晝煮定快叮食飯。
當佢習慣咗唔瞓就唔使瞓。
大方向點都係要安排正常作息時間、提升睡眠質素
重點：如何入手？
首先定咗一個可行嘅時間表先，再諗方法慢慢達到目標⋯通常都係良好瞓前習慣、下午出街放電（最好就去大自然/做運動），早啲食飯，相對會可以早瞓著⋯
半夜醒呢個問題⋯真係要搵下原因⋯
我細仔之前都有半夜醒⋯然後喊⋯當年不停搵原因⋯
係咪腸胃唔舒服？瞓覺環境唔適合？發惡夢？肚餓？日頭太興奮？
如果醒咗安慰佢
比如咁：「問做咩事呀？發惡夢係咪？比人搶咗支奶？哦⋯唔洗驚架～唔係真架⋯媽咪係度⋯」