都真係，我見連登個邊有期好鐘意講香港人係走難唔係移民，如果係高危人士就好認同。
如果係普通人，又有細路，真係要計清楚。
2個讚
烏克蘭人面對嘅係生存問題，唔走聽日隨時會死，人哋走難唔係為咗選擇過另一種生活，你拉埋烏克蘭嘅情況黎講，好似有啲唔合理。
係香港，樓主乖乖做隻港豬，至少都有間公屋住，有錢開飯，得廿萬去到外國，隨時幾個月後就三餐不繼，呢啲係唔係佢預期要過嘅生活？如果一時衝動，最後搞唔掂返香港，公屋又無埋，以後嘅生活只會更難。
想走想為下一代著想，應該先係香港諗方法搵多啲儲多啲錢先，唔係有親戚資助廿萬就衝衝衝。
9個讚
住公屋都儲唔到錢，細路又已經六年班，樓主係香港都應該要出黎搵份工啦！做譚仔阿姐都萬幾蚊啦。
講到走難真係誇張，我相信樓主同佢屋企人無一個係俾政府注視的人物。連去移民的資本都無，要問人借。講真係我角度係幼稚同自私。
12個讚
生存定生活, 人人角度唔同, 對有啲人嚟講，不自由 毋寧死，情願辛苦啲，都唔想下一代喺咁嘅環境成長。點解無乜錢就一定要做港豬？住公屋無乜資本，唔係原罪。大家都唔知樓主嘅實際情況。樓主原本都只係問廿萬夠唔夠。
其實前面好多回應都值得參考嘅，但係無必要講到樓主諗下走，就係幼稚自私囉
4個讚
馬死落地行。樓主有無盡力搵錢？令自己有充裕d資本去移民？起碼唔駛問人借錢，廿萬，一個月儲一萬，做年半譚仔阿姐都做到。我無追post，好似係咪問兩老借錢？我自問做唔出囉。無人話佢移民係錯，但無做好準備（起碼儲多d)先去，我講唔到係正確。
5個讚
無人話住公屋係原罪，有公屋住簡直係好多人嘅夢想啦，係話應該諗方法搵多啲錢儲多啲資金先走，住公屋已經比好多人好彩，唔洗捱出面嘅貴租，要明白帶住小朋友走，要考慮嘅多好多，亦要諗清楚各種可能嘅後果。
又，如果覺得不自由 毋寧死，為自由到可以不顧一切嘅話，唔洗理資金有幾多啦，衝囉
6個讚
咁人哋真係打仗殺到埋身喎、好現實講走難都要水腳、再唔係參考下我哋上一代黎香港、一係有親戚投靠、一係派男丁去打點下環境、唔通一家真係瞓街咩….
5個讚
恕我直言，如果樓主一家真係咁不自由 毋寧死，已經一早拎LOTR去咗英國啦
到今時今日走咗十幾萬人都仲心大心細，十劃都仲未有半撇，我唔認為佢哋決心大到可以不顧一切帶住2個青春期細路由零開始去捱囉
為下一代著想有好多方法，做港豬都唔一定係死路一條，牆內人都唔一定係小粉紅，連登仔都不代表我
睇到咁多人走嘅同時，記住仲有更多人留返喺度
20個讚
從無人話過住公屋係原罪喎、大家都係好只係指出佢香港都要政府幫先生活到、去到英國咩都要靠自己！
如果自己一個人想點都無所謂、兩個小朋友
係咪真係不自由毋寧死先？現實都要滿足到基本生活需要先可以再講精神需求架、不然只係口號。
6個讚
睇下政治庇護果批，唔返得工，要比人接濟
我估樓主又冇資格
而家咪答佢唔夠囉
人地去到英國冇錢開飯，你接濟佢呀？
4個讚
越南難民都帶幾條金鍊做水腳啦
啱啱有LOTR同bno早期時我有個熱衷玩連登既外地朋友都有問我執好包伏未，我話我開始喇預備過2年走。
佢話下即走喇你而家係走難wo你當移民，我真係想叫佢上少d 連登…佢長期將連登講既嘢套入以為香港大趨勢諗法係咁，有期連登仔反鏡仔，佢又以為鏡係香港已經臭朵，真係無言。
3個讚
簡單而難聽既一句
係香港都唔能夠靠自己搞掂自己，移左民只會肯加搞唔掂
所以連數都唔使計
3個讚
走難嘅人係會咁諗，呢批人所付出嘅大家都明，雖然未必同意，但可以理解佢地係會咁諗。
而你個外國fd有啲搞笑囉
關佢鬼事咩 咁肉痛！
1個讚
多一倍差好遠
同埋而家講到通漲唔嘢少
唔記得有冇人share過，4個月前嘅片…
一家四口一個月要用£1500.（不過有人留言話佢哋超市大洗）
自己計吓數啦….
咁一定大洗，係超級大洗同fing嗰隻
超市684都算大使？
唔係淨係食物架喎，仲有日用品各樣嘢…
1個讚