或者太太返早6至1600， 先生返2200至0500都得，我見有咁嘅工。太小資金好危險
我唔建議過，成本太高(過咗嚟，可能冇咗間公屋，如果搞唔掂想返轉頭，變咗喺香港要租屋住)
去到一個陌生地方，咩都要適應，如果仲要憂錢銀嘅話，一定家吵屋閉，影響感情。
樓主宜三思。
1個讚
二十萬仲要問人借既，老實吖…一家4口一百萬都好勉強啦…
係，如果係好有決心捱，不如而家係香港，老公轉地盤，老婆返part time。試下捱既生活同賺多個錢，過一年"捱‘ 既生活測試下自己既能力。
如果捱唔到都多個錢’生活，又唔會total loss
7個讚
任何嘢，鬧還鬧，問題都要解決，大家都係想為對方及件事好
人生苦短，要做有建設性嘅事，炒炒鬧鬧會易老，唔值得
9個讚
正確
算啦，唔好去啦。
熱熱鬧鬧
謝謝分享資訊
我直接d
唔係個個適合移民
你留返係香港算啦
7個讚
純粹討論，無意冒犯大家。咁講，如果樓主係想走難，而唔係移民呢？佢地錢係唔多，但係做父母嘅，如果佢哋真係覺得呢度不宜久留，為下一代著想，想走都係正常嘅。呢個論壇大多數係中產，可以考慮安排週詳啲。但係無錢就要認命，諗都唔使諗？我估烏克蘭難民走難時都唔會個個咁有錢嘅。
2個讚
如果走難mode，就學上邊講咁樣，喺香港試下捱先。兩公婆一齊出嚟做嘢，零交際零娛樂唔出街食飯。一嚟儲錢，二嚟可以預演一下，俾家人心理準備將來都係咁生活，甚至更差，確定大家移民心志
7個讚
咁樓主要認真研究下真正既難民點樣生活，問自己/屋企人係咪真心接受到。
其實早幾年我去倫敦，見到街頭都唔少流浪漢。得20萬好快用哂，要有最差結果既打算係租唔到樓訓都冇得訓。唔知當地對難民既支援係點呢？
諗清楚哂，真心接受到真走難生活咁梗係冇問題，但千祈唔好美化走難/高估左自己，口號式講自己走難實濟係接受唔到，到時香港公屋又收番就2頭唔到岸。
4個讚
問題係咁走法係為唔到下一代呢
講一句just leave不知幾容易
留低的話樓主一家四口仲生存到，走咗之後兩頭唔到岸，點生存都成問題
分分鐘借返嚟嗰廿萬係長老畢生積蓄，咁就……
9個讚
UK無跟車呢種行業，呢度送貨係一個人負責揸車及搬野…
1個讚
烏克蘭難民嘅生活，佢地係咪可以過烏克蘭難民先？
3個讚
嚟到有冇人當佢難民先？
到時錢就冇曬，回程機票都冇錢買，咁點？
4個讚
根據佢資料，兩公婆住公屋，兩個小朋友六年級有能力照顧自己，有空間去增值改善經濟。如果呢一刻係熟悉的地方都未試過捱，去到外地人生路不熟，語言不通，要捱難度更高。千萬不要高估自己能力。
2個讚
係囉，咁都得？問人借錢去移民。一去無回頭
2個讚
選擇，難聽d講係俾有能力的人。無能力只好接受。我自己就一定唔會問人借錢去移民。而且得廿萬，眨下眼就用哂
3個讚