==計錯數, 改返==
我試下幫樓主想像下，如果一定要去，有咩平方法。
住最平又有工嘅地方，應該去Scotland 。屋租£158 per week。北愛其實再平一半，都有香港人去，但我無朋友去，唔敢亂推介。£600一個月啦。
英文唔好都有最低工資工。工易搵，問題係地點未必啱，要一定要揸車。揸車個半小時範圍內點都會有工廠工，大約£10 per hour。老公一星期返到40小時左右，但老婆要湊小朋友應該返得一半，兩人一個月£2400收入
住學校附近，兩公婆揸車返工，當兩人返同一間廠，都只少要有一部車。車可以買二手，但要行到，中價港幣十萬港元，平嘅5萬不過唔穩陣。仲要計下保費。
每個月日常洗費當£1000。
水電煤稅每個月£500。
油錢當一日來回£20，一個月£500。
唔夠
我覺得如果真係計好曬數，又預曬最壞既打算，咁冇咩話唔得既。當然，你一定要預你既生活肯定冇喺香港咁好（屋租平、做FTM）。
計一計，一年upfront 租金最平我諗點都要£12-15K（唔係1、2 線城市）、買車代步點都要£13-14K（車唔可以貪平，起碼都要買架approved used car）一家基本生活費你預大約一個月£1-1.5K。
當你先生喺英國搵份藍領，每個小時工資£11-12、一個星期返40 小時，即係1 個月大約£1.4-1.5K（未扣稅），咁都勉強可以應付到生活費，但都要你返埋工先可以夠錢交租。但呢個收入就唔好諗住儲到錢買樓。
起步資金點都要£35K 先穩陣，因為你俾左屋租、買車錢後，點都要留幾萬買林沈野（例如傢私、電器）。
我覺得如果你計好數、又預左一家人要捱的話，其實都可以去馬。不過當然如果你地最後發覺英國真係搞唔掂 / 唔適應，而香港又有後路就最好。
你一帶兩個細去英國，你老公留係香港做支援
睇漏左原來一個係跟車一個係家庭主婦，我冇你咁樂觀，我覺得佢移唔到，因為冇錢。而且佢可以搵到咩工呢，我當男嘅有車牌，乜工都做，搵最低工資，女嘅冇工作經驗，係香港都難搵唔好講英國，得一個人做野捱到幾耐，仲要只可以租差區住，細路一個唔覺意學壞得不嘗失，倒不如留係香港安安份份自己教好仔女，仔女大左先再算，窮係移唔到民，雖然難聽卻係事實
仲要兩個小六、呢個時間加無budget無得揀咩區咩學校、我覺得太搏、兩公婆大人就話住邊都無所謂
商用車要再考試，朋友一家過咗去，男的喺香港有大牌，去到都係做廚房，踩單車返工，女的湊囡，都有一定程度壓力
工廠工肯請。英國中有啲香港人係咁，兩公婆唔識英文返工廠工。
不過佢哋儲蓄都多錢過樓主。
我無樂觀呀，最尾就話佢唔夠錢囉。
我估你想講 160鎊
見FB MethyMa 米里媽媽在英國岩岩出左帖，佢一家4口7月水電煤204鎊
梗係唔夠啦、仲要連呢筆錢都問人借、老實我budget 多過你都覺得好大壓力
工廠又要揸車，一係2部車，一係返同一間，但又會冇人湊仔睇仔
do you mean GBP 1.4K-1.5K /month?
實際上係好困難，如果真係唔得你帶兩個小朋友去英國先，你老公喺香港都係一個辦法
無錯。
中學小朋友就無人睇，自己返學放學，最平放養，唔會睇架啦。成績都唔會理。無錢係咁
咁會好易學壞，老實講係英國細路好易學壞，童黨好多
係，小朋友就當然係易學壞。樓主剩係問最平可以點移民，無話教養要求嘛。我就係想寫最平最屈就可以點生活，唔死得就得，照寫俾佢啦。
我就係話俾佢聽，就算俾小朋友放養學壞，佢都係唔夠錢
成日都見呢D post，其實 FB/ YT好多人已經計左每月洗費，睇下就知。
屋租咩價位又可以去rightmove睇，有見到700鎊/月，不過一定要有車，咁買車&油錢又係支出，仲要依家D油價係咁升。
工廠工係易搵，不過近屋企與否就難講，到時油費又係問題。
仲有一樣上面好似冇人提，就係幾多歲入藉先可以用英國人價讀大學呢？呢個我見人講過，不過忘記左，你要自己搵番。如果第日佢地想讀大學，而你地因為要俾國際學生費而負擔唔起呢，咁真係唔知移民係幫佢地定害佢地喇。
中一過去趕得切。
不過打咗折嘅本地生學費都應該俾唔到，小朋友亦都無資源考好成績，唔會讀大學。
應該中學就出嚟做嘢，幫補家計，自己打工儲學費。
你仲幫佢諗大學，老實講佢係香港都未必讀到大學啦，不過呢方面英國好好，好多類似ive嘅college，學費全免，呢個反而唔使擔心
何苦呢？
唔係話佢地出黎兼職有問題，但因為幫補家計而兼職又為咩要去？
樓主話細路&老公想去，講真，小朋友見人去到唔使考試做功課，當然想去啦，但佢地真係ready?真係知人地點樣「讀書」？
如果唔考慮小朋友教養問題，又何必移民，留係香港仲好，起碼自己教，唔會咁易學壞先啦，有媽咪做家庭主婦對小朋友一定係好事