點生活？親戚幫得幾耐？老公搵咩做？算老公搵到工，夠一家四口生活？
都計劃緊 我哋仲未申請 都諗緊呢方面問題
但5年移民健康附加費一家4口要成10萬多。你2x萬有冇計e個$?
3個讚
生活費二十幾萬
覺得你好搏，不過都祝你成功
唯有積極D計劃下 沒野解決唔到既
唔單單係話言問題，係經濟問題，有無計過筆錢可以用幾耐？ 同埋到時每月開支，份工應唔應付到？
Bno visa生活費設定得好低 基本上你唔係低得好過份都會批比你。英國唔同一年前了，呢家物價同生活費高左好多，租金，能源，交通。而且就業市場多左競爭，因為開放左烏克蘭既人黎
你呢個銀碼既生活費 一條友就夠。我諗你地既預算點提升都升唔到好高嫁啦。
如果真係去，選擇生活物價最低既地區住，治安同校網唔洗諗了。然後要好快搵工，而且你都要去搵part time做，要用最窮既生活方式去渡日。
21個讚
睇完第一個感覺，得廿萬，仲要問親戚借/資助，都好難。但樓主個問題係夠唔夠？唔夠可以點？
你有兩個小朋友，想走我都明，支持。所以想亂噏俾d 個人意見，有冇用唔知，希望你可以集思廣益。
好多人有資金、賣樓過去，生活唔成問題，可以揀d 好嘅地區，亦可以唔休無嘢做一排。你無本錢，只可以退而求其次，搵d 低價地區，但冶安、校區自然無咁好。
兩個小朋友都大，預咗兩公婆過去即刻搵嘢做，無得揀工做，只少維持基本生活費。唔係你嗰廿萬頂唔到幾多日。
要走嘅話，你唔會過到一般喺Facebook YouTube 睇到移英家庭嘅生活，利、弊再自己諗。
12個讚
你怕唔怕辛苦？你地準備好乜工都做未？
你老公想過去，咁佢有冇咩計劃同諗法
擔心一到步租樓可能起碼要先畀半年租，淨番嘅錢唔多。
同意其他人意見，要有心理準備去到會先捱苦不能嘆世界，要諗下咁樣嘅生活接唔接受到
半年都算好, 我見好多俾一年租
3個讚
Yes, 無credit history 多數都要比一年
樓主廿十萬太搏了, 如果你兩個大人廿十萬都仲可以捱下, 但仲有兩個小朋友, 大人唔食細路都要食。 反正你兩個小朋友去到都係插班中學, 不如儲多D錢, 學下英文, 睇下落腳點先
同埋最緊要有後路, 萬一生活唔到可以返香港有地方住?
3個讚
仲有你住公屋,離開三個月就會畀房署收返,連後路都斷埋
3個讚
建議你或你老公是但一個過去探下路先，或者一個人過去，搵到嘢做settle down到咪接埋啲細路過去，攪唔掂嘅都有條退路
12個讚
本身香港做開乜？
老實講好蚊，我都識人住公屋移英，但佢個幾十萬係自己嘅唔係借，都勉強可以，你呢個case就更辛苦，2個人必需出去工作，而家英國租貴生活費貴，你仲有冇錢還俾人地先，仲有英國通脹講緊18%，你有冇信心頂到先
1個讚
申請visa ihs 都十萬
去到分分鐘要比半年或一年租
當你一家四口租£1000一個月 半年就無左£6000
如果租間屋包傢俬都仲好,如果無包,平平地都要買床同枱 又一筆錢
生活費呢 council tax 都要預£100一個月
水電媒 又係錢
跟住大人唔食小朋友都要食
你話小朋友小六咁上下 即係黎到升中學
中學要買校服又一筆錢(小學求其polo,pe white t 超市有幾平就買幾平)中學校服有logo要去校服公司買
呢一年物價真係升左,睇住超市加價
自己計下數
唔係唔得,係去到即搵工同到時用每分每毫都要計得好清楚
5個讚
朋友拎住二百幾萬一家四口過去都坐左半年先搵到工，佢足足擔心左半年，你地拎二十萬都咁勇過去，咁一定要諗定哂所有最壞打算先去會好d…
1個讚
你話先生做跟車 有冇車牌
如果有 搵工就好好多 起碼司機好缺人 速遞公司 超市送貨成日請人 呢啲英文唔太好 但識幾句簡單英文同識睇google map應該都攪得掂
雖然人工唔高 但起碼有收入先
1個讚