最近睇緊 St Helens 呢個地方. 請問有冇人住緊可以比D Comment.
我本身有一個小朋友準備升 P1. 上網搵過唔多COMMENT 係呢個地方.
想請問如果唔識揸車係個邊會唔會好唔方便.
因為家人問題, 可能我會先同小朋友過去, 可能1,2年後先生先會過黎一齊住.
幾時走，有時間香港考埋，考埋其他牌
我未去過，都係聽投資分享會，St Helen好似曾經係生產玻璃出名，但好多年前已經式微，冇乜工廠，亦越來越少人，所以係窮區，房價一向都低。不過近年好多大型企業響隔離Warrington開貨倉，但因為Warrington越嚟越貴，開始有大型企業走咗去St Helen起貨倉，漸漸吸引到人返嚟St Helen住，所以最近St Helen房價係比以前好。搵工應該唔難，但治安點？始終係窮區你要小心，而且仲要冇車，係咪適合有小朋友家庭定居？最好都係check清楚先決定。
2個讚
會唔會太僻難攪啲？
1個讚
有車係好好多，呢度啲巴士班次好疏，有時仲會脫班
1個讚
其實要揸車可以既. 我自己有牌, 不過冇信心揸. 太耐冇揸.
我上網睇過其實佢治安唔算好差, 不過我真係唔知佢係窮區.
我再睇睇先.
多謝你
可能呢2年啦, 我自己想快D. 但係先生家人個邊有D問題要攪.
一定冇咁快可以走到. 我先生又唔放心. 老人家又唔肯走.
所以只可以等…
搵師傅補鐘….
1個讚
窮區、治安麻麻
1個讚
一定要去呢個地方？得你自己帶住小朋友，揀個方便同安全嘅地點啦
2個讚
我再睇睇, 多謝你
我再睇睇, 多謝你 
St. Helens 越嚟越多香港人住, 我初初嚟英國住Warrington WA1, 後來搬咗去WA12 St.Helens 既一個new build, 原因係Warrington 既new build 太貴, 我宜家住緊個屋苑有11 間係香港人, 另外我都識幾個香港人搬咗去St. Helens 既WA9, 果度兩個new build, 一個Edward’s Homes 既Springfield Park, 賣得七七八八, 我所知既有5間係香港人住緊, 另一個new build 係 Taylor Wimpey 既Anderton Green, 岩岩先開始起, 一路起一路賣, 塊地好大, 大把貨賣唔駛急, 個Sales 話好多香港人, 我有一個遠親都買咗呢度, 除咗平仲有好多好處, 首先近 morrisons 超市, 行1~2分鐘就到, 又近市中心, 又近醫院, 中學最近St Cuthbert’s Catholic High School（個rate 係Good), 小學有幾間比你揀但都要行十幾分鐘, 如果要返工幫補家計St. Helens 都有廠請人, 唔識渣車唯有踩單車, 不過講真唔識渣車係英國生活都係比較煩, 如果真係要方便一定係曼城或其他大城市住apartment.
4個讚
st helen要出返曼城都唔算遠嘅
冇諗到st helens居然多港人住，個邊多港人買樓收租就聽得多
1個讚
係呀, 夾係曼城和利物普中間, 週末都出城行吓都幾方便
1個讚
如果全家都冇車牌除咗倫敦/曼城住近市中心, 其他都會好困難
吓吓要搭巴士，除咗好貴/唔準時/脫班外，巴士唔到嘅地方要搭uber/ 的士係超貴
如果唔熟一個國家，唔好比咁大困難自己，否則好易氣餒/放棄/想回流