收拾船運家當, 面對衣櫃裡面的衫, 真係不知所措, 唔知已經到埗英國並且生活了一段時間的朋友, 能否分享下你哋喺嗰邊, 對喺當地嘅衣著有咩心得? 之前有人話夏天衫只需一兩件就夠, 天冷衫就應有盡帶, 但我係香港冬天最多只著兩件厚少少嘅衫, 羽絨從未著過, 而短袖衫就一直著到氣溫17-8度, 所以對少帶夏天衫好猶豫, 至於過到去先係當地買, 我又覺得不想浪費依家現有嘅, 各位朋友有咩睇法, 請分享.
英國夏天會愈來愈熱及長，一兩件唔夠嘅
羽絨一定要，仲有打底衫。保暖啊，你未知有幾凍，唔好凍親
我自己就掉了不少夏天衫，因為本身太多；而家冬夏天衫比例 7:3
而過到嚟冇買過衫
冬天夏天都帶幾件，我發覺自己成堆衫，其實著黎著去都果幾件。羽絨褸都需要，褸最好有帽，呢度好大風，防寒衫褲，頸巾，手襪，冷帽有就帶埋，無過黎買都唔貴
記得丟曬啲飲宴衫，無機會再著
6個讚
夏天衫都要換嘅
著舊左唔想拎咪捐左佢
相對新嘅我都會帶嚟
到真係好full 按喜好再扔
晚裝？
飲宴衫我喺香港都冇，求其一條裙就去飲
1個讚
最重要
冬天 防水防風褸一件 因為冬天經常落雨
夏天 短袖 短褲 入夜一件薄長褸
其實著黎著去都係嗰幾件
帽 夏天晒遮太陽 冬天擋微雨
其他既著開有感情既就帶啦
女士既話呢邊啲款比較平實啲 無香港咁多花款
男士就 我老公著黎著去都係嗰啲
1個讚
其實我覺得跟返香港習慣就差不多，係最凍果時再加衫
咁就太誇張，今年夏天幾熱呀，同香港有得比。
本身有咪寄黎囉，夏天衫又唔佔得幾多位。
反而呢邊氣候問題，我覺得有幾樣係必需：
夏天要：防曬嘅帽、風褸（早晚好涼、超市冷氣又凍）
冬天好多雨水，需要：既防水又保暖嘅大褸、好暖嘅厚褲（入面有絨）、保暖又防水嘅鞋、遮埋耳仔嘅冷帽。
不過成日著大褸又重又攰，如果天氣好好我都會著返普通羽絨舒服啲！（不過試過幾次突然變天淋到我落湯雞咁，羽絨濕晒又凍，比老公鬧死）
以上本地好易買到，不過如果自己本身都有，帶埋黎著就啱晒。
3個讚
冬天一定比香港最凍時再凍，所以宜多冬天衫不宜少
我啲friend懶叻話平時唔怕凍，舊年叫屋企人急寄飛機雞仔o麥過嚟
我以前都以唔怕凍自居
但我好怕吹風，呢度啲風可以10分鐘路程就將我吹到頭痛
因為日常湊小朋友，好多時間會留喺戶外，冬天我一吹風啲鼻水就唔停，要用紙巾塞鼻窿，再搵口罩遮住
2個讚
肯定要有件防水風褸
風褸，羽絨最好有帽，否則秋冬吹到頭痛，又可遮遮條頸
冬天入面著到夏天一樣，加件羽絨 ok, 再冬中間加件長袖 fleece 外套
打底衫，雞仔嘜冇著過。因為室內暖氣好熱，要著啲除得嘅衫
除左厚褸之外，最好帶埋對防水保暖鞋，冬天都幾凍，若果你係住倫敦或南邊啲城市就會無咁凍既
係呀。好多人哋送俾我嘅二手姊妹裙，樣好靚帶咗嚟，但根本無機會著
1個讚
[quote=“MargoYork, post:15, topic:66417, full:true”]
我見我朋友係英國返工，公司有party，要著到好靚，cocktail dress，搞到佢要急急忙要去買裙
1個讚
衫呢邊有得買，平有貴有，但係有d衫呢邊比較少選擇，例如heatteach, 羽絨樓，最好帶過來
1個讚
保暖衫，馬莎都有嘅
明白。我呢啲唔返工嘅 c9就無機會著，返工人仕就會著
好似都好多本地人搶