迷茫中, 求意見…
講返少少history, 本人高齡產婦, 2019年 生左大仔, 果時做nifty pro, 一切正常
2021年, 意外地係打完biontech第2針後發現懷孕, 12W去做T21 advance, 驗到BB 第8條染色體異常。之後抽羊水做晶片同遺傳基因測試後, 話係BB自己突變。
做阿媽嘅由13W喊到20W忍痛人流, 最後醫生都唔敢講話突變關唔關疫苗事…
坐月小月後, 3月時因為工作需要打埋第3針
今次係第3次懷孕, 黎緊就快12W可以做測試, 我就心大心細, 唔知做NIFTY PRO/T21 Express/T21 advance好…
上網search過, nifty pro 同T21 advance好似都有假陽性的機會。(網上暫時未搵到有T21advance同nifty pro的比較圖)
心大心細, 究竟做返T21express 好, 定係做測試項目多D 嘅nifty pro/T21 advance 好D?
如果我係你而又冇經濟考量，我會做T21 advanced
唔選Nifty Pro 純係因為佢係大陸公司。
我2020第一胎時都係做T21 advanced，當時知佢假陽性機會大，但都係為心安而選擇了佢。反正假陽性 或 真陽性 都要之後再做檢查，但如果全negative，就可以唔駛煩。
我同你有少少似，2021年年中打完第二針BioNTech 後發現自己有了，但隨後見了閃閃後11/12周流產。當時都有諗過係咪關打了針事⋯
然後因為period 一直唔準所以都冇諗過咁快再有，但點知2022年2月打完第3針冇幾耐發現自己又有了⋯都好擔心又經歷一次胎停流產的個種痛⋯touchwood 到而家30周都安然無恙。
呢一胎我做T21，純係因為我係第二胎流產後辭職了，因為唔想花太多錢而選平點的普通T21 。
希望你孕程順利！！
如果錢可以既，我會做2個, nifty pro同T21 express
因為你話T21 advance 有假陽性，咁但係點都會做一個T21既話，我會咁揀，買個安心
SafeT21 或者NIFTY都好⋯兩者都係screening, 分別不大
但如果一定二擇其一，就一定揀SafeT21
我2月初打完Biontech 第3針, 4月中Bingo, 12W t21express驗到第21條染色體問題
雖然醫生話無證據顯示有關，身邊都有針後隔更短時間懷孕的朋友順順利利
但心中的疑影永遠都唔會消失
Pro 同 advance整體假陽性高DDD，主要因為佢test多左堆新的/微細D的缺失 (which 研究時間短D, 所以無咁準)
Basic的item準確度係一樣的
希望BB快D返來搵我，我到時候應該會做曬所有test, 有幾多做幾多，有幾advance做幾advance
雖然假陽性會嚇死自己，但「仲有野可以check但未check」都會令人感覺不安
祝你一切順利，媽媽BB都健健康康 
其實T21都係大陸公司(母公司係北京貝瑞和康), 但其他外國牌子例如panorama驗既items太少, 無咩選擇
你講得啱⋯背後都係大陸公司⋯只係外國人做老細⋯
但不論如何⋯當年我係SafeT21 同政府Oscar都有做⋯兩款都係screening, 但用唔同嘅指標去計算結果⋯反而真係有機會搵到更多潛在異常
T21 係中大技術呀，我唔太清楚Xcelom 背後的股權分佈，但至少中大授權，所以相信中大可以從中得到知識轉移部分利潤。
反而Nifty 就早年被T21指侵權，所以一向對佢印象麻麻。
我之前就係因為睇中佢唔係大陸公司所以做左panorama,
個陣都對比過t21 同佢，nifty 我一定唔考慮啦，不過Panorama係同t21唔同技術，check到T21驗唔到既三倍體綜合症，理論上準確度會好d
最重要都係睇t18,t21,t13 同啲xy 體微缺失咁
同直接啲講，有啲item 少左我又唔介意，因為個啲項目/染色體有事嘅話，個bb 基本上都會自然流失
所以都係有齊最基本要check 嘅個啲就可以
不過始終香港都係比較少人做panorama
視乎出發點, 如果係唔想揀大陸公司, 咁我覺得T21, Nifty 都唔應該揀
呢個真，聽講仲有一個原因係佢拎到結果的時間係比較耐，因為支血係寄返美國Lab
係呀
我個陣好似等左一個星期左右
不過可能我太早做 話check 唔到所以又要做第二次
你咁講⋯又係喎⋯起碼有專利費用比中大 