話說早兩日帶2歲幾阿仔去私家診所打針，入到去個醫生已經拆晒盒預備左支針隨時吉得入咁款， 我個人比較謹慎(淆底 
)驚打錯針或者過期， 咁我就問可唔可以睇下個盒，個醫生即刻話你唔信我就去第二度打，我話大人打針都要confirm更何況小朋友，佢就黑晒面咁叫姑娘拎然後好快手幫我仔打針，姑娘喺reception拎過來時已經打完，俾我睇嘅盒就正常無打錯亦無過期。
跟住拎返證件個姑娘話醫生叫你下次去第二度打 
而家諗返，佢連酒精都未抹就打左落去！！仲有其實支針係咪盒野拎出來真係唔知，好淆底希望阿仔無事無幹 
想知究竟係我太驚青太小心，定係正常大家都會睇清楚先?
打咩針先？
4hing
(知呢度好多人唔贊成打, 不喜勿插, 真心想問其實係咪我太淆底)
btw，之前去過兩間私家，打嘅所有針都有俾盒我睇，食輪狀仲特登講明未過期，我諗住所有針都一定會睇，你咁問即係有啲針係唔使睇嗎?
我覺得你無錯喎，我女bb時打針+食口服疫苗，個兒科醫生都會show曬針啲資料俾我哋睇，confirm我哋知佢幫個b打乜先會打落去，個醫生咁易起鋼，俾我會搵過第二個醫生做家庭醫生
啊原來係打科興，我要收返第一句囉，你緊係唔淆啦仲好勇Tim,其餘你當我無講過嘢啦byebye~
如果係打針紙上面嘅針，醫生一家俾返個盒你，所以問你係打咩針
原來係咁，我未收過針盒呀，之前啲醫生打完就掉左 
有，我當去餐廳開紅酒，打之前姑娘都話俾我知邊間酒莊和年份。
打4hing 你要擔心既唔應該係過期或者錯針
呢個比喻即刻明晒，開酒都要睇，針更加應該睇
幾年打流感針打前會show一次個包裝。不過呢兩年冇晒流感個案亦再冇打流感針所以唔知仲係咪一樣
我覺得問下都好正常.
咩醫生禁串, 唔洗佢講下次都唔會去啦.
啲人做開陰質嘢，係咁上下質素
我覺得你無錯，當年我去打流感針，個醫生打前自己show個盒俾我睇，打完後佢直情俾埋個盒我攞番屋企。
當時你個醫生咁串，俾我就會走，又唔係得佢先有得打
係，而家都後悔緊無即刻走 
痴線佢連消毒都無做就好快打左落去，我諗佢係趕住去另一間鋪所以好急，見佢每日啲時間表都係兩邊走。
呢度應該唔可以開名? 係咁依講下咩區: 元朗同洪水橋２間鋪，一至五兩邊走，六日唔開
但流感針有d一盒幾枝架喎 唔一定係一盒1枝，要睇下邊間藥廠架喎
係咪姓王？佢個名臭晒㗎，好耐之前都有過有討論區啲人講佢。疫情前就成日做幫大陸人打針生意，我有大陸親戚打子宮頸針，收成7千蚊
唔係支持 the end justifies the means，但樓主會唔會更頻密留意吓呀仔打完有咩反應？希望無事
如果無，咁當住 okay 先，下次唔好喺果度打？反正都打咗，你就算追究都唔會對呀仔健康有幫助。
另一件事係點解唔可以開名呢？等大家有戒心都好。
王裕X?出名冇醫德
點會唔畀睇針盒！
去體育館打 covid 同埋私家打疫苗都有針盒，問就可以攞針盒。私家打針前甚至畀 scan 賣 bar code 顯示藥廠資料。
唔可以唔消毒就打針！幾趕都唔可以！呢幾日要留意仔仔健康。
唔係王呀，王臭到咁唔會去 
姓陳嘅阿伯，其實之前喺佢度睇左幾次傷風感冒，都正正常常，所以佢黑面嗰下真係o嘴，究竟係咪我提左啲唔合理嘅要求。。
好彩阿仔暫時都同平時一樣食玩訓好精神，亦無發燒，係大人緊張啲，半夜都起身摸下佢有無燒