職場吹吓水
根據大家嘅經驗；大家鍾意係大公司定係細公司做嘢？
大公司放落CV好睇d law，啱啱出黎做野就揀大公司，執好份CV先。之後就睇人工。
2個讚
我鍾意做大公司，起碼要上咗市，最鍾意/最好做外資，最耐嗰間做咗差唔多6年
做過香港人開嘅中小企，通常一年內我會辭職
細公司企唔穩陣腳?
大公司講policy, 運作成熟, 接受到人事覆雜就OK
大公司放CV會好睇D，轉細公司較容易
中港細公司，老細多數都好計教又麻煩，以為自己係皇帝
個人鐘意細既外資公司，人少大家易話為
6個讚
聽到香港人仲要係細公司
一聽就覺得中伏
6個讚
MNC 大公司但係細 office，呢啲最好做。
中資，港資細公司，除非真係搵唔到工先好做，老闆通常都好惡頂。
大公司唔止放CV好睇，仲有佢哋套工作制度同程序都會豐富你經驗，到轉去細公司時，分享到呢啲經驗就變成你自己值錢嘅地方。我其中一份工就係因為咁，轉工加咗好多人工。
個人經驗：細公司通常一打十，好多嘢要自己嚟。好聽叫學到嘢，難聽就係冇章法乜都自己解決。但呢啲公司通常加人工鬆手啲，會以千做單位起錶。大公司加人工要計%（唔升職仲要係3-5 Only)，又要一個pool同勁多人份。
5個讚
細公司人事都複雜…講唔埋
睇就點都係大公司好睇啲
我個人感覺
大公司 - 你只係一粒螺絲, 無左你唔會死, 我覺得反而有自由, 啲野易控制
細公司 - 樣樣都關你事, 樣樣都要幫手, 人手少, 日日都錫晒腳, 有同事辭職你隨時做埋佢果份
1個讚
鍾意大公司多啲，鍾意啲嘢跟規矩而唔係人治，同埋好怕細公司啲複雜人事關係
1個讚
年輕時中意做細公司，一腳踢，自由度大，對上就係老細，佢淨係睇結果，工作可以自己安排，不過多數都係忙到死
大公司淨係做幾part，無得自己話事，跟程序做，多餘嘅嘢都要做，上司唔睇自己嘅話死得，有制度，福利好啲，多數可以準時收工
Interview嗰陣細公司嘅經驗講得比較全面啲，大公司經驗好彩做過個project夠大，可以吹得吓
我做過幾間大公司，睇晒成個product line，好多野可以自己話事，大公司資源好，我係product/project owner，有好多部門&同事support我嘅projects。响呢啲公司做，會學到好多management, laison, collaboration skills。
細公司係一腳踢，都可以學到野，但學唔到點行policy，因為係人治，好多野係隨老細心意
2個讚
一定揀細公司. 大公司好煩, 好多辦公室鬥爭, 搞唔掂.
大。
做過一間細公司，唔夠一星期辭職。
呢個真，其實好多細公司話就話老細，但唔賺錢空心老倌黎，出少少錢就期望員工仆心仆命。
3個讚
冇做過好大嘅公司
細公司真係打遊擊
人事問題嚟講，3個以上已經有
大有大做，小有小做，小至10人，大至幾千都做過，各有各好
我揀大，見識過細公司有幾恐怖，大公司衰極都叫有個制度
Sure 大公司，乜都有監察，有邏輯
1個讚