34歲, 一直想生小朋友, 不過情路唔太順暢, 仍然單身.
唔係好想買精…所以諗過去台灣雪卵, 不過而家疫情好似仲未開關.
抽咗AMH, 好好彩有3.02, 屬於average, 好似仲拖到下.
剛剛做咗切除朱古力瘤手術, 要連續食hormone藥一年半以防復發, 醫生話雖然食藥後冇月經了, 但都要避孕(如有拍拖), 以防宮外孕, 如果想懷孕就停藥啦.
另一方面又想移民英國, 喺個邊冇親人&冇熟既朋友, 應該會搵到工. 父母尚算健康, 有其它家人support, 單身中, 又唔似其它人咁老婆想走、老公唔走既局面. 而如果最後好彩有小朋友, 都希望佢係外國成長. 好似冇咩原因要留係香港…
自己覺得好迷惘, 睇到大家努力備孕、試IVF, 但係自己連第一步, 伴侶都沒有. 明白單身有單身的好, 結婚有結婚的好, 人生冇完美. 唔知自己有冇子女緣呢? 應該直接去英國, 睇下有冇姻緣, 有就有, 冇就算啦整定.
定係搵方法去台灣雪卵先再去英國呢? 搞下搞下會否推遲計劃又有變數呢?
我諗香港人每個人都好不安, 在不同的決策中猶豫著. 
移民本身已經夠難。
拍拖結婚又難。
懷孕又難。
去台灣又難。
上面咁多樣嘢，求其揀一樣單獨做都已經好難好辛苦，唔好一齊做呀…
睇黎 sis 有啲感受
34都仲好後生啫，既然你宜家無負擔又想去英國，我覺得你趁後生去咗先啦，始終生唔生小朋友(大前提又要遇啱一個人，而對方又要想生，太難了，唔係你想遇到就遇)，人生都要繼續過，咁選個自己喜歡嘅地方過生活先啦，set up晒你先再決定你人生下半場點樣過，話唔定到時你遇到另一半呢。
你食緊hormones 藥，唔知可唔可以抽到卵，問咗醫生建議先，其實香港都可以雪卵，只係貴D，如果有能力可以係香港雪卵，唔駛去台灣做，機票住宿都係錢。始終女人年紀大時想生小朋友一定係難啲。雪完卵之後先再移民去英國，希望到時候你可以搵到另一半。
34, 仍好年輕、可以試下lunch actually /apps 結識另一半。我有幾個朋友都係咁識到及結婚了。當然都有些男人是騙人的、小心便可。
移民settle down 後考慮領養？
本身搵個岩嘅另一半已經極級難，其實單身都唔錯，自由自在，有時有d野唔好勉強更樂得自在
我覺得要係外國搵另一半更難？
兩睇。
去到外國，香港人會自然聚在一起，大家會好多共同嘅移民話題，生活上又要互相依靠，會好易熟。但前題係要搵到同入到香港人單身圈子。
識外國人就好難。除非英文超好，否則只可以和外國人做到工作上嘅溝通，吹水都好難做到。
不過如果係華人（香港，中國，台灣，馬來西亞）都有機會。有個朋友移民不久，和英國華人女仔結婚
我個人覺得移咗先，分分鐘係個邊識到岩嘅另一半，住一年再決定雪唔雪
有經濟能力身體又ok應該雪卵先，呢樣係你控制得到，移民都係，搵另一半先最難
搞左雪卵移民先、呢樣可以靠自己全權去行、做左先。
拍拖結婚，生小朋友，唔係自己可以控制晒、放埋一邊先、搞掂移民再安排。
雪咗卵先, 健康變數太多, 點知會唔會突然有其他問題已經雪唔到, 但你食緊藥, 記得問清楚醫生, 飛唔到可以喺香港雪, 好過等到唔知幾時先開關
跟住就搞移民, 有能力梗係走得就走, 或者去咗外地有新姻緣都唔定呢
有錢去台灣雪卵，不如直接去英國搵另一半
試吓返 church / 讀 master / postgraduate courses/ join hiking club or etc
應該都易搵，嗰邊好多單身人士
如果係香港一直搵唔岩，不妨試下往外闖，反正都冇損失
雪左卵先！ 呢樣反而係我覺得唔可以拖既野
卵呢d野今日唔知聽日事
隔得一年可能質素就會差好遠
一粒後生既卵勝過10粒老既卵呀
俾錢香港做先再一路plan 移民
謝謝各位回覆!
等我睇下香港雪卵要幾錢先
人生好迷茫 
問一句：你多唔多錢先？
幾多儲蓄叫夠？
我係理財白痴，冇乜concept