發展商話十月得
但去睇過工地
樓梯仲未整好 仲未上到二樓
所以我仲諗緊買唔買
大家有咩經驗分享
依間價錢好啱 但奈何如果佢延誤 我要續租 損失會有啲大
呢d好難講，睇係咩發展商，不過而家冇疫情會好d，如果真係好岩心水就照買，因為我覺得買唔到心水樓損失貴過續租，係英國要買到心水係好難好難，如果係好位置嘅新樓更加勁快賣出，到時買唔到再續多一年租都未必買得切樓
2個讚
係 買到心水樓真係好難
有另一間已經就嚟起好
我老公就鍾意因為佢就起好 但我唔太鍾意因為後面就係維修車中心 好多車泊咗響後面同埋個建築商上年先成立 唔知啲質素點樣
我唔敢買新發展商樓，怕爛尾走數，買有信譽發展商樓穩陣啲。屋企附近有個地盆係新發展商，見啲樓起咗超過一年，起到七七八八但一直未有人住，唔知係內籠未搞掂定賣唔出
1個讚
嘩你邊區？新發展商就唔好搏，我住個市有個地盤圍左成年話起住宅項目，唔好話樓，地基都未有，新發展商，買新樓我揀大發展商，唔怕佢爛尾走佬，不過你個盤就快現樓都未賣出就要留意下係咪有d問題導致冇人想買，係咪治安唔好？附近有厭惡設施？俾social housing包圍住？因為位置靚嘅新樓通常未起已經reserve哂，好少到咁後期都冇人要，除非係show home，呢樣反而你要研究下
3個讚
咁得人驚
佢哋快起上嚟快過香港人 
我睇咗兩間new build
第（1）間係起得7788 上年先成立嘅發展商 屋後面就係維修車中心 棟樓有四個單位賣 兩個入住咗 兩間賣緊
第（2）間聲稱10月完工 已經大概 50%單位reserve咗 （佢總共賣100間） 中型發展商（？）上網搵唔到太多資料但都起過幾百個建築
好難講，我唔會搏，如果佢走佬唔知點追番啲錢，買大發展商嘅樓好啲
1個讚
係 多謝提醒
我朋友等兩個月，搞到要搬airbxb洗多嚿錢，佢問其他人話佢已經叫做等得耐
祝一切順利
1個讚
多謝祝福
英國買樓真係好難 一切順利真係好緊要
買new build等2個月邊算耐，算係極速啦，想一來就住得，係香港隔山買定就得
4個讚
買二手樓都係好耐，一 break chain ，又要由頭嚟過。要預一年時間去買
1個讚
我都估唔到原來買樓要咁耐
見到都想死，所以英國new build俾人唱再點差都大把市場
1個讚
就算冇 chain, 雙方律師搞文件都要幾個月先收到樓，呢邊買樓好煩
1個讚
英國通常邊買邊起，我等咗8個月，我買嘅時候係屋苑最後幾間，當時我嗰間屋仲未起。
但第1間至第50間已經起好仲有人開始住，我嗰間係大發展商，當時比咗£5000首期，搵埋發展商裝修，但裝修內容同錢，係間屋工程做到一半時，再同你聯絡，選材料比裝修錢。
最後係預期時間完工。
完工時有人帶你睇間屋，如無問題就比錢律師。即係由買嘅時候比£5000+裝修錢，到下次再比錢時已經係收樓嘅日子。
佢地咁樣買屋比較安全，起碼係完成咗先至比大數，如果佢呃我走佬，我都唔會傷入肉。
新樓有好處，因為有保養，有執漏，鄰居會比較企理。我覺得等太耐就不如邊租屋邊等。
另一間如果後面有車房，雖然入住時間會快啲，但我就唔會考慮，因為買屋起碼會住十年，後面係車房會有音量及空氣問題，感覺唔太好。
如果係人地撻訂嘅屋，人地撻訂前選好裝修設計或或物料，但入面裝修有機會唔係你心水，我朋友就買咗一間人地撻訂嘅屋，唔合心水嘅問題。
例如：浴缸無花灑，淨係得水喉……跟住想搵師傅改水喉加返花灑，點知原來係法例問題，因為牽涉熱水爐， 要搵有牌師傅申請完先可以做 超煩最後無做。
或者係全屋地氈，而你又唔想 搵人再攪又要用錢同時間。
花園無安裝電制或水喉…………呢樣都重要，方便自己用剪草機及淋花仲有BBQ
買樓最好買大發展商，太新同有中資都唔好買。
留意管理費唔平，買Flat 每月比一次，買屋有啲係一年比一次 呢樣要留意吓。
我想到嘅只係咁多，希望幫到你
2個讚
另一個問題係買舊樓，佢地用投標呢樣野真係睇緣份，如律師態度唔積極，出完價都未必幫你差波講價錢。
有朋友買舊樓，本身間屋位置好，但無保暖層，同埋浴缸漏水到樓下，要再比錢人攪裝修，即係又要考慮埋時間金錢。
舊樓有啲野可以住落先發現要加或減，所有野都係食自己，所以要預埋裝修錢。
唔好忘記我地未必會搵到手工好嘅人裝修，同香港搵裝修一樣，有時會比錢不似預期。
要適應生活，又要打點睇屋攪裝修，買舊樓出嘅心力仲煩過買新樓。
總之……老土講句……加油啦！
3個讚
多謝你嘅分享
我其實幾個月前就開始睇樓
當時唔係好識 睇咗一間 無chain 做埋驗樓先知有漏水
所以最後無買
然後第二間俾offer前agent話無chain 之後先話原來業主要搵樓搬 仲要睇都未睇樓 最快要下年先得
所以先轉咗睇新樓 
然後發現新樓都好多麻煩嘅嘢