如果你有兩個讀緊幼稚園既小朋友，工人姐姐幫手湊。你會揀邊份工？
A
5天工作。
返星期一至五9點至6點，逢星期六日放假。
但無時無刻都有人call，隨時隨地都處理緊公事。
定B
一樣5天工作。
返shift。肯定星期六日都返工，甚至返通宵。
但真係放左工就無人騷擾你。
人工同大假都比A好。
無大志，唔洗考慮前景。
1個讚
可能會考慮a，
起碼星期六日陪到小朋友。
Ａ個份工根本唔叫做５天工作喎。
但有小朋友嚟講，呢兩份工都好難選擇。
我另一伴算係Ａ個種，隨時oncall，篤下手機講下電話都半個鐘，麻煩啲要搞兩三個鐘。
2個讚
一定要揀就B
因為A隨時隨地都處理緊公事=冇收工冇放假
2個讚
A 類 B 類都返過
我揀辭職再搵
4個讚
咁請問另一半工作時間係點？
我可能會考慮埋另一半，如果佢都係放星期六日嘅話，咁會揀A，至少有一家人一齊嘅時間
b, 因為a好明顯無放工時間。湊小朋友要專心，而且搵得多又可以使係小朋友身上，b 好d
或者好似樓上講，再搵
做左媽媽，我覺得自由時間>錢
時間方面 a b 之間無明顯優勢
B 多錢，甚至多少少me time
支持再揾過工，過2年小朋友升小除左要親子時間，又要跟功課默書測驗，而家a 同b聽落都好豬頭骨。
1個讚
返住A，再找真五天工作。
有小朋友，返shift一定唔考慮，工人放假，學校假期都難請假，返shift 好難調到全部紅日都有得放，要買工人假期，仲要佢肯。
A工種都返過，放工要成日行開講電話，覆whatsapp ，check E mail，最後工作加家庭壓力都到臨介點，失眠或者發夢見到工作太煩同忙到醒左瞓唔到。
二揀一就揀左A先，起碼假期夾到學校假期，長遠都要找真五天工，收工就真係收工嗰種。🥹
做左媽媽都唔係人工為首要考慮要易請假，唔使帶工作回家，假期多。
湊小朋友嘅話、A同B都一定唔得。
建議再搵，不過一定要選擇的話就B
工人放假，得自己1打2個陣要做野就麻煩
其實今時今日有whatsapp, 即使放工放假都會有公事上既message 要覆。當然有人可以選擇唔覆，但好難避免。
工人假期跟shift 放?
我以前經常出差，係安排佢跟我schedule 放假 。
A 就算星期六日放假，一個 call 你都要跟，就算「身在家中」但根本冇陪伴過小朋友。
B 就起碼 guarantee 放工後係一定有自己時間。
我公司係 A，正常情況唔會有野做，但一個 call 就要搞掂佢，全公司上上下下都試過，高層都有星期六返公司處理野，應該得清潔阿姐同接待處冇 call。大部份時間全部同事放工只係將野搬去屋企做，根本都冇休息過。
唔等錢洗就兩份都 pass，搵過第二份。
一定係A： 工人姐姐多數都喜歡星期日放假。