我哋兩公婆係雙職父母
呀b俾保姆湊咗幾個月，終於排到嬰院
一心諗住去嬰院，但最近有谷針嘅問題
好擔心遲早要打兩針先可以返全日
而保姆一家都好錫呀b，有時我哋兩公婆有事，保姆都唔介意呀b過夜，但保姆屋企人食煙
所以而家諗緊幾個方案
- 照用保姆，放棄嬰院
- 返上半日嬰院，請工人湊下半日
- 請工人，唔返嬰院唔用保姆
唉……真係一個唔容易嘅決定
如果係你，會點揀呢？
我一睇到食煙已經完全接受唔到。
我會揀入育嬰院先，然後搵工人，谷針就唔返育嬰院俾工人湊~
2個讚
太細唔好轉嚟轉去，長遠搵工人（其餘兩樣都有未知風險）
直接請工人。工人會做埋家務，雙職父母放工如果又要湊b又要自己做家務，都幾辛苦。
同埋小朋友間唔中都感冒作病，育嬰院病左唔俾入。
1個讚
其實我都知轉嚟轉去唔好，保姆湊咗幾個月，其實我b都幾跟佢，可惜佢屋企有人食煙
我都係咁諗，企好驚未請到工人就已經要兩針先可以返全日
盡快請工人，依家海外工人嚟到香港應該會快過之前，因為酒店隔離日數少咗。
雙職家庭直接請工人，有工人做家務，你哋放工先有時間和BB玩。
一定係工人
真係快左好多 我5月請 8月尾就會到
請工人，長期嚟講都係要個工人，始終宜家疫情下返學係時停時返，長期有人standby係好啲。
你地雙職，又可以幫你地做埋家務，你地放工放假可以多啲時間陪小朋友。
我哋而家每日放工喺保姆到接返屋企，返到屋企盡量俾時間陪呀b
等呀b瞓咗先做家務，其實咁樣都幾攰，同埋自己都冇時間煮飯，餐餐外賣
你請菲定印？
我哋好耐之前請過一個印照顧屋企長者，但我哋兩公婆都唔慣叫姐姐做嘢，覺得唔好意思
到長者過身就冇用姐姐喇
請工人其實都好靠運，而家多數質素麻麻，成日一肚氣
我會照入育英園，有需要就保母backup
有能力：育嬰園+工人
無能力：育嬰園 自己接送
留意小朋友一有病就唔返得學一星期
份工可以有彈性就好
育嬰園係好的 好多嘢玩 老師湊得好好的
可以慳返pg錢
不過有條件家庭都會照報pg陪小朋友
其實我都有諗過li個方案，但每個月兩邊加埋差不多萬五蚊
我都有諗過，但我唔知幾時請到工人，我b9月就返嬰院喇
我兩公婆份工都係唔易請假
因為我b個人好敏感，唔想轉嚟轉去，令佢冇安全感
我而家諗住唔去嬰院，繼續俾保姆湊
然後請工人，到時慢慢將保姆湊b嘅日數減少，增加工人湊b日子
我諗依個安排應該會對我b好啲啩
我覺得呢個幾好
唔知你工人姐姐多唔多野做
有半日比佢做曬家務、下午專心湊b
佢知你唔係旨意曬佢、冇咁易玩野
我小朋友以前都係育嬰院轉全日幼稚園、K2左右開始請左姐姐、小朋友都係返全日、日頭就做家務
長遠嚟講，遲下小朋友要返學，去下興趣班，請工人會好d。
加上個保母有屋企人食煙真係唔係咁好。
你嘅3個選擇之中，我只有考慮請工人，絕對唔揀其他2項。
我仔女就小學先跟bunbun，但家人朋友機乎全部初生開始跟工人姐姐，初生幼童都建議客飯廳裝cam，開初會長輩密d嚟幫手，一則姐姐新手都需要熟人幫，二則長輩當監工留意吓姐姐，三則長輩都樂意陪孫。