據蓮香飲食集團公告，蓮香樓及蓮香棧於2022年8月8日正式結束營業。蓮香樓及蓮香棧均屬集團之特許經營加盟商。上環蓮香居則繼續營運。
而「蓮香樓」社交媒體頁面亦刊發結業通知，指「遺憾地暫時要同大家講聲再見。疫情以黎老闆都已經盡哂力去支撐蓮香樓，可惜真的敵不過疫情，始終都要走到這一步。 希望將來仲有機會同大家見面」，又指「作為特許經營者，我們都希望其他同系之蓮香茶居可以繼續努力，戰勝疫情」。
即中環嗰間仲有冇得飲茶?
即係執左中環果間?
中環近鴨巴甸街⋯⋯執咗笠
其實我覺得呢間嘢幾污糟，地下油立立咁，可以想像廚房都唔慌乾淨
3個讚
其實枱面筷子碗全部都好污糟
啲點心亦都唔精緻
又要自己衝出去搶點心
唔係有傳統酒家呢個光環，我都唔想去
3個讚
估唔到中環個間咁老式反而係特許經營加盟商、唔係正舖
叫做特許經營加盟商，其實都係租個招牌（品牌），
老闆唔想賣出招牌（品牌），
又想經營這個招牌，
用這個方法可行。
可惜。童年回憶住中環卅間，細個同屋企人飲茶一係去蓮香一係去得雲。重供埋月餅會。
頭先喺IG見到個comment好認同, 呢間嘢係殘舊唔係懷舊
佢可以做好dd點心質素, 可以打理吓d地方, 而唔係掛住"懷舊"兩隻字
2個讚
最近去過荃灣嗰間，好難食，晚市無咩客，門口賣兩餸飯，叫乳鴿都話無貨，埋單唔收信用卡，只收現金。
唔算好食又唔算難食，情懷囉
我覺得鳳城難食啲
早幾年去過一次晚飯，難食又污糟！
附近陸羽好食過佢好多！
正版鳳城係ok架
2個讚
希望佢哋有其他新的開始
北角鳳城都係麻麻地。
印象中太子好D
該主題在最後一個回覆創建後90天后自動關閉。不再允許新的回覆。