2001年香港小姐冠軍楊思琦出道時予人「純純兔」感覺，更「紓尊降貴」同當時仲係寂寂無名嘅李泳豪交往9年，形象一向都唔差，更備受TVB力捧。
不過直至佢單方面向外宣布同李泳豪分手，更疑似同前港隊跳水運動員吳帥未婚先孕，形象直插谷底，近年思琦可以話係做咩都錯，日前佢喺社交平台post抖音片，就被網民狂插兼批評，如人飲水冷暖自知，毫不留情呀！
思琦誕女後曾經回巢TVB，又再次於2014年離開，之後北上積極發展，不過就冇再拍戲，認為做主播可以好舒服咁做返自己，希望可打入內地主播市場。
佢曾經分享一條喺廣州上下九步行街介紹「打卡」地道小食嘅影片，就被網民直斥佢缺乏防疫意識，又指其反應過份浮誇。而近日佢就頻頻分享一啲唱口水歌嘅抖音片，同樣冇贏我大家嘅歡心，反而惹嚟更猛烈嘅批評！
呢條被插嘅片段中，思琦開爆filter，不過都認得佢嘅靚樣，佢一邊唱林志美嘅《初戀》，一邊跳一啲簡單舞步，幾乎每個動作都甩beat，落樓梯時仲好似跣到咁，十足去咗老人院睇茶舞咁！最驚嚇嘅係每個字都唔啱音，聽到人耳朵流產呀！唔少網民都留言大鬧：「請問是否對音準完全沒概念」、「好難聽」、「楊思琦…唔適合你唱，救命聽吓自己把聲音怪怪哋…繼續加油，要練歌多啲唱得好啲」、「不適合你的風格，不倫不類」甚至有人攻擊佢行為古怪：「一次比一次覺得你智力有問題」、「香港小姐嘅精神都畀佢搞到cheap晒」、「好騎呢，睇到好尷尬」、「影衰香港小姐」。
真係唔知佢咩事, 一手好牌打到爛
係咪話佢老母貪錢累事? 照計做左咁多年明星加上投資下都可半退休生活, 做乜要搞到咁CHEAP
1個讚
當年佢生完女做單親媽媽為個女努力工作，係欣賞！之後冇啦啦又生多個仔，又係單親！其實係咪佢本身個人問題！
3個讚
樣唔差, 身材好, 港姐冠軍, 形象入屋 (初期) , 比好多TBB姐仔都好啦, 就算星途不滯都可以搵個乜乜才俊結婚
未婚生女單嘢我覺得都唔係咩問題, 單親好媽媽都可以形象正面, 係佢之後越做越CHEAP無啦啦又生多件, 又扮有老公唔知做乜鬼先淪落到咁
2個讚
首先小相公⋯⋯前男友李X豪。
之後又係另一隻小相公⋯⋯
之前有報導過佢係慳妹, 有物業, 係小富婆, 自從話自己有老公, 生埋個仔之後, 就好似咩上身咁, 話佢癲又唔係… 總之, 就奇奇怪怪啦…
1個讚
我硬係覺得佢做有錢佬情婦+生埋個仔，都係個男人唔可以見光。
1個讚
yes 好記得嗰期無線有個節目係跟埋藝人返鄉下，訪問佢鄉下個老竇，話屋企鐵樹前排開花，之後真係有好消息，就係有得抱孫。
嗰時覺得好深刻印象，因為當時基本上大部分八婆八妹都係笑佢唔知邊度必咗個b 出嚟，但見到個老竇都咁開心做公公，其實外人無咩好comment
生咗出嚟佢又繼續做嘢，有時母女賣下親子嘢，同埋鼎爺嗰家人又係神化，所以覺得個女嘅都冇錯過啲咩呀
但最近又生個仔，又唔知邊個老竇，一次都話細個唔識比人呃，第二次同一錯誤就真係自己選擇。跟住每次訪問唔知係俾人問定自己講係圈外人所以唔想出鏡，就好欲蓋彌彰囉
開始冇米路就做下啲騎呢嘢吸下view 咁，希望佢唔好咁快玩爛啦，兩個仔女仲細都至少仲有十幾年要養
4個讚
本來果陣突然殺出個吳帥搞大個肚
已經對佢無晒好感
後來佢一個湊大個女本來係對佢印象好左
但又未婚生多個
宜家四張仲扮可愛
好心啦 
其實佢真係「聲」同「藝」都欠奉
惟獨個樣同身材好d
拍戲唱歌主持樣樣都唔得
可能希望好似陶大宇咁靠走音再紅過
先整條咁既片出黎?
2個讚
佢話自己結咗婚，有個老公，但個老公神秘到無人知，無人見過真身，個個都笑老作個老公出嚟
其實佢真係一手好牌打到爛晒，做啲嘢仲愈來愈騎尼， 我覺得佢真係一個無腦嘅人，你睇coffee幾勁，由比人唱公廁雞，到依家轉晒形，形象健康，搵錢又搵得多，又正面（表面，背後唔知
）。
講真，以楊嘅知名度，又生咗件女，如果正正經經做吓kol, 介紹下product, 肯定大把人睇啦，嗰啲陳其、葉碎碎咪又係咁撈到風生水起
佢唔係大貪嘅話，留港拍吓YouTube ,拍吓護膚品、家品、小朋友生活、吃喝玩樂vlog 分分鐘唔使好似依家咁on 9 啦，講到尾，衰貪心但自己又無料
2個讚
coffee 同佢最大分別係，coffee真係有個錫佢既老公，而coffee為左個仔真係寧願搵少d停一停。佢個yt一開始都係為興趣，無諗過發到咁大。
1個讚
陳琪比佢更c9都可以搵到，反而佢越嚟越cheap!
1個讚
[quote=“Fox, post:18, topic:66023, full:true”]
如果咁有錢被人包起
就唔使個仔一出世就拉埋個女出黎接受傳媒訪問啦
感覺都係為形象做show
應該仲想做呢行
