孕中期，去toilet抹時再少少啡，已經睇左醫生，又內檢左，都找唔到原因，話可能係d舊血，有無人試過呢d情況？醫生話休息下，但唔好訓床，對血液循環唔好，d血唔郁仲唔好，大家有無試過？謝謝。
我由16w 至24w 都不斷流血流啡，私家政府都做曬檢查但搵唔到原因（搵唔到係好事嚟㗎），只能不斷瞓床。媽媽記得放鬆心情唔好緊張啊，一見到流啡記得睇醫生，bb 一定健健康康！
PS 我個BB 已經6個月大，健健康康，托賴！
好崩潰喎，但你係斷斷續續既？每次都有睇醫生定點呀？但3日唔埋2日就照下內檢好似唔太好。你本身有無番工？
祝你呀b繼續肥肥白白。
我開頭到12週前都出過少少血
不過睇醫生都話係啲m未清個啲黎
個陣Keep 住訓床同叫bb乖乖痴實媽咪
最後bb 依家都4個幾月喇
加油
前期好似都正常d呀…(雖然邊期都係咁驚）…中期我見好少人會咁…
前期都驚架，因為早期嘅流產率係高過中期同後期
不過有媽媽由有左出血出到生都見過
有啲媽媽仲話血量係m come 咁不過都係搵唔到原因
平常心 唔好擔心
既然醫生都話無問題就自己keep 住留意情況啦
明你依家心情一定會有啲忐忑
不過記住 happy mothers happy babies
如個你都成日擔心，佢第時都會係一個驚青嘅bb黎呀
25周流啡入院住左3日，都係搵唔到原因。不過醫生話搵唔到原因係最好嘅原因。
後來都試過有一兩次流好少好少啡，但我都冇再入院，最後39周5bb出世。
係，其實我都明，邊日都好，有d狀況都係怕怕，多謝你鼓勵呀
記唔記得係抹先有定都少少會流出黎？
抹完有。不過為安全起見，如果太經常出現又好擔心嘅話都係入醫院會穩陣d
知道