如題，而家狗狗歲半，食緊乾糧，每日飲兩大碗水都好似唔夠咁…係咪有啲問題？
你狗狗幾重？飲水量應該係跟據體重而有唔同
我狗狗13kg，每日大約可飲到1L(粗略估計，因為我係用飲水機嘅）
最驚佢唔飲水，佢飲到我就畀佢，由其天氣熱，飲多少少都正常
我之前問過vet，你可以試吓用重量計，我隻狗5kg 都係食吃乾糧，每日飲到 200~250 ml 的水就差唔多。
呢排天氣咁熱，同埋狗狗係咪好活躍嗰啲，跑跑跳跳活動多，所以要飲多啲水呀？或者係腎唔好、啲糧又好濃味，所以口渴？
佢係Poodle，大約 5kg左右，平日好鍾意跑跑跳跳，自己咬住個玩具都玩得好激動嘅，我都有諗過佢會唔會係太熱，因為我唔太鍾意開冷氣，呢排又熱…
佢食緊法國皇家乾糧，但我睇過成份表係冇味精、鈉含量亦都無冇特別多，所以又應該唔係。
呢排唔開冷氣真係搞唔掂，我嗰隻都成日貼住地下啲磚嚟瞓，如果我出咗街無開冷氣，都會俾多啲水佢，勁中暑
至於啲糧真係應該未必關事，狗係嗅覺先行嘅動物，味蕾少過人好多，所以唔使落味精去引佢哋架…
我嗰隻都係無時停，夏天就會飲得較多水，細細個開始食rc隻 poodle糧，間唔中俾下鮮食包，等佢食住肉肉都吸收吓水份咁囉~
其實而家天氣咁熱，飲多少少水都正常啫，真係好擔心不如帶去睇睇獸醫先