一家四口,仔女仲係幼稚園
因為屋企人冇咩support,所以我地都係靠自己,冇物業
依家夾埋啲積蓄都係唔夠一球
老公成日話咁樣移民唔夠,起碼幾球先叫穩陣
但我成日都好掙扎
大家有冇意見話俾我知可以點
我朋友得 10萬都去到
有冇小朋友?
唔好問，自己做功課俾佢睇，list out:
收入(indeed搵工，睇下咩工岩又請，時間點安排)
支出 - 去rightmove睇咩區既樓幾錢租 (大部份要一次過俾1年)，食物/買車/日常用品之類
申請VISA時費用
仲有點分配時間接送小朋友？
其實好多YOUTUBER拍左片，自己搵。
最後，就算呢度100個谷友覆你「OK，去啦！」唔代表你老公OK，俾資料說服佢，因為人地得唔代表你地都得，你又唔係訓佢地床下底，點知佢既生活係點？
加油！
31個讚
英國租而家好貴，好難租屋，要有心理準備租唔到住Airbnb 條數超貴，積蓄真係好快會燒哂。
除非巳經租到屋計過條數又馬上返工
否則一濶幾大，積蓄用完就好頭痕
一係先由另一半過去租到屋搵到工安頓左先，跟住你先同小朋友過去，係短時間又搵屋又搵工壓力好大。或者你地兩個有咩技能可能搵定工先
1個讚
單身一個住share room 都要馬上搵工先搞得掂
十萬太勇了
有兩個，一家 4 口
扣左visa申請費之後有幾十萬？當你租屋比一年租，一個人湊小朋友，一個人返工，真係一落地都即刻搵到工咁滯
樓主你要明白有人幾萬得, 有人幾十萬都唔得, 因為人人不同, 食嘅要求唔同, 住嘅要求唔同, 靚學校區要求不同, 連搵工快慢也不同, 車洗唔洗買? 入油也要錢?? 最重要是你接受能力和 你家人小朋友的也不同…
8個讚
首先，除咗bno ，唸住申請咩visa 移英/澳？
二、計申請visa、第一年衣食住行費用要幾多
三、去到彼岸可以搵咩工，大概稅後收入幾多？
另，有親友照應嗎？
每人情況不一，自己做資料搜集下。
如果第一步免費睇資料都唔做，
就算有錢，都未必適應到。
4個讚
順利租到屋, 順利搵到工咪夠囉。
當HKD12k月租, 一年都係14萬, visa約13萬4個人, 機票船運當你10萬。都係37萬姐。
airbnb我唔知幾錢啦。
如果唔順利, 租唔到屋又搵唔到工, 坐車見工燒錢, 咁就仆街了。
感覺超級難!! 因為一開頭冇工作,分分鐘租屋要一次過俾全年租金 … 之後可能要買車代步, 食用不貴, 但水電不平. 還有council tax, 電話費等等…
除非你即刻有工作, 如果唔係不停燒錢唔知燒到幾時, 個心理壓力應該好大… 你仲分分鐘要輔導埋你老公
澳直頭唔使諗
1個讚
最緊要兩夫妻目標一致係認同有需要移民嘅，其他問題都可以協調。
除左老公財政壓力之外，都睇下你地平時湊小朋友、家務係咪親力親為。好似我咁請左幾年工人嘅，突然要自己做返，都會辛苦架，時不時要一個人外出行下街抖啖氣。
你小朋友好快升小，咁你到時可以搵part time, 生活應該無咩問題嘅，除咗開頭可能一年要用積蓄，我諗都好快可以收支平衡嘅。
我都係移民後無晒積蓄，小朋友仲有兩年先入學，都係捱緊，等佢入學我就可以返工
你條件比我好。
3個讚
你哋有咩技能，
可以在當地搵唔搵到工作，
收入能不能支持你在當地生活成為關鍵。
2個讚
有兩個小朋友你要照顧，咁要計埋得你老公一個人嘅收入夠唔夠
3x 同9x都係幾十, 你係幾多先？ 有冇打算去英國邊度？
1個讚
英國的話睇下你個幾十萬係邊個幾，40萬同80萬已經差好遠，你可以研究下d youtube，我研究一家三口，加埋申請費頭一年預比一年租大約40幾萬，同埋要睇埋小朋友幾大，大到可以返全日學係好d，如果得一個人去返工嘅話就要計清楚。
澳洲除非你係專業人士肯比你申請PR，如果唔係唔使諗，主要係未入PR前小朋友嘅學費，另一半有無visa工作，個費用極大。
2個讚
一家四口apply visa大約13萬，仲有TB test一家四口要幾千，你要計計你手頭上到埗嘅錢可以燒到幾耐，屋租食物交通，唔同區屋租又有分別，小朋友返幼稚園都還好，到小學嘅食學校school meal都要錢（£2-£2.7 per day)
2個讚
差唔多1 球
中位數50 萬移英好窄
澳諗都無謂