喺英國食東亞或東南亞嘢，都係又貴又難食，但英國嘢食出名黑暗料理，咁點算？唔好忘記，因為英國有大量移民，所以有大量平靚正外國美食，喺香港係好難搵到架！首推意大利和印度食物，另外墨西哥、黎巴嫩、土耳其食物都好一流！其他歐洲國家嘅食物，雖然只有本國7成實力，但都一定比香港同類食物好。
與其煩惱好難搵好食家鄉菜，不如食下隨手可得嘅異國名菜。我介紹自己鍾意食嘅，歡迎大家接力～
===英國代表===
Scone 英式鬆餅
英國國民食物，類似蛋撻在香港嘅地位，食tea必備。初相識嘅朋友嘅經典問題之一，就係問你食scone搽jam定cream。間超市cafe餅舖都有新鮮scone，£2.x一個。超市仲有袋裝，再平啲。
記得在皇家庭院，對著藍天草地，用英式茶具沖茶，再加scone，就係皇室享受嘅afternoon cream tea啦！
High tea
夢幻嘅三層甜品架，香港要最貴幾間酒店先冇，但英國就好多cafe有，例如John Lewis 。google一下classic afternoon tea就會見，大約£35兩人份，但其實夠3個人食。
=== 黎巴嫩代表 ===
參考《今餐有料到》 EP 290
*Pita + Hummus / Baba Ghanoush(或叫Motabel) *
中東包＋鷹咀豆泥/中東茄子泥
兩鷹咀豆泥係植物蛋白豐富來源，升糖指數低。兩種泥層次豐富，好適合素食或健康飲食者飽肚。餐廳賣£6.5，超市即食飯盒賣£2.5。
中東包好似叮噹百寶袋嘅形狀，入面可以放上述兩種泥之一作餡料。佢又係升糖指數低，適合代替麵包。餐廳賣£1.3八塊，夠搽曬成3盒豆泥，一人晚餐用。
Motabel
黎巴嫩塔布勒沙律
雖然好多草，但檸檬汁和蕃茄味濃，啱鍾意食酸沙律嘅人。有啲會加布格麥Bulgar，它比米飯多一倍纖維，升糖指數低，平時食沙律都可以加。
Falafel
炸鷹咀豆丸
適合給小朋友的健康素食小食，營養和上述鷹咀豆泥一樣
I love it
