正式開個po統計下英國物價。
聲明：我去咗英國住得好開心，直情係我理想中嘅天堂。精神健康，社會公義，小朋友開心都係無價，無論英國物價高低都無阻我呢個諗法。不過我都係想寫個物價出嚟，俾網友參考下。
住屋：
英國不同地方差異大，我住係一個樓價和香港差無幾嘅地方，然後買樓要用成百萬交稅，仲有council tax等，對我嚟緊無省過錢。不過環境優美咗。
食物：
好多都平過香港，尤其我完全無幫襯中超，又少出街食飯。
日用品：
平過£10嘅日用品，比香港貴十倍。貴嘢就差不多價錢。
車費：
香港3倍左右
請大家接龍補充下。
本人仲未返工，所以未有好仔細數據
住屋：
用香港買納米樓嘅價錢，可以買間semi
租：比香港平一半
食物：
超市算平嘅，真係勁懶買ready meal 唔駛£1
日用品：
本人都係去Poundland，b&m 果啲，有啲野貴30% 或以上。
消耗品就有平有貴，廁紙紙巾貴過香港，清潔用品就差不多
車費：
我估2倍至3倍啦
衣：
都係fast fashion 同香港差不多
住：我呢度兩房租約1800-2000，我諗同香港差唔多。
行：我未返工，純去街買嘢車資50-60左右到（每月）
食同衣方面，我好鍾意呢度真心係豐儉由人，小店奇多！睇吓自己想過點嘅生活。我鍾意搵nmic 嘢，係咪貴啲就唔一定，但肯定係要比多啲腳骨力去搵嘅。
Btw, 最近想買手袋，出街款/運動款都可以，大家有無咩本地貨推介？
生活習慣唔同，所以只列出自己的比較。
係香港或英國，全家生活方式接近無變，同樣揸架細馬力車，飲食同樣以日韓菜色為主。
係香港時，唔計住同玩，一家四口生活費每月約 3萬。
係英國，俄烏戰爭前，唔計住同玩，生活費每月約 2000鎊。戰爭通脹後，而家每月約 2500鎊。
都仲係平過未通脹前既香港使費。
反而想講下，通脹對本地英國人既影響原來真係好大。上年仲同我一齊帶細路去主題公園玩，今年佢地坦白同我講，雖然加左人工，但因加租及通脹，而家要慳錢無得去了。。。
當然，仍然有比較鬆動不受影響既家庭，生日 Party好常攪。
當初嫌放租煩，除自住無再買。
如果買左就可以平租幫朋友們了。。。
租就同香港差唔多，可能平少少，不過當然大好多，買樓一定平過香港，一半左右
食就150鎊一星期超市買餸，有時出街會係外面食，有時嗌下中式外賣，一個月1至2次，每次20鎊左右
行就貴好多，起碼3倍，本身我係香港住近市區交通費平，所以覺得呢邊貴，養一架車at least每個月開支200鎊，如果返工遠要再貴d，weekend一家人出去遠少少玩預返10零鎊一次油錢
衣未知，因為我拎左好多衫來未著哂，不過就咁睇價錢唔貴，但款幾核突下，唔岩亞洲人
Council tax，因為我住開幾十年舊樓，管理費交1000樓下，又住過村屋直頭唔使錢，所以我覺得council tax都幾貴，當然間屋貴council tax又再貴d
水電煤，唔使問貴香港好多，水貴10倍左右，電煤貴5至6倍啦加價後，但foresee到會繼續加價
我好師奶：成日執超市啲減價餸，例如醃好嘅，之前£10有三pack，而家漲價£8有兩pack，每pack食一餐
咦？JM你之前唔係話響香港？我有冇認錯人？
突然去左英國？
Tkmaxx 尋下寶
我成日去iceland
and Farm Food, 可惜我嗰邊冇
我附近都冇，要專登去就費時
我係 iceland, b&m 買平嘢
不過我響香港都唔係買開貴嘢嘅人，大人大姐好隨意
租差唔多但大好多。空氣同HK噪音問題，英國已經贏晒 
超市食物肉平菜貴，所以同HK差唔多，香港大多數買HKTVMALL，好少出去餐廳食飯因為都覺得太貴唔抵。
車錢貴，有D似日日港島去新界嘅價錢。
日用品差唔多，廁紙貴。化妝品感覺平少少
衫我無咩要求，所以差唔多。
水電煤，貴。自問好節儉但電煤都要£50~ 一個月起
老公話剪髮貴，個人覺得還好啦
係咪話我？
菜…西蘭花，生菜，椰菜都唔駛 £1
剪髮算貴，街坊店單剪都 £15
講起就傷心，我自己可以日日沙律菜又平又靚，但我個仔點唔肯食綠色菜
係呀
我記得你之前好似話冇小朋友又冇計劃走
食甘筍，生果算
椰菜花都可以
後來愈來愈唔掂，身心都係，走
TKMaxx
我之前都有去 tkmaxx 行下，但好亂，我頂唔順
提起手袋，返工有拎手袋，但係為左放飯盒
出街揸車，冇拎袋好耐。帶條匙，卡，潤唇膏算
題外話，係 tkmaxx, 可以買到同英國皇室同一間公司，但唔同牌子唔同款式嘅衣服。可以滿足一下虛榮感