呢個係我既原POST
胃鏡照左出黎, 完全無事, 無菌, 原來係我個膽石惡化左… 係膽囊痛令我以為胃痛…
膽囊肯定要割我亦已經預左, 亦隨時可以READY 去做.
問題係, 我響政府果邊一直跟開我個膽囊, 醫生照到我個肝有個小陰影…
政府排左個快期比我8月底照CT + 顯影, 驗血, 9月中覆診睇報告. 政府醫生講到好擔心我, 因為我只係4X 歲, 佢覺得係水 “LONG” , 99.99%都係良性… 但醫生都係好想攪清楚究竟係良性定CANCER. 所以當我CANCER 咁排期跟FOLLOW… 嚇到我痴線…2晚訓唔著… 政府醫生要攪清楚個肝先幫我排膽囊手術.
(醫生mention, 我個肝等1~2個月係唔會影響病情)
我已經搵左私家醫生睇左政府網上我既報告, 佢話政府個報告寫既, 只係血管增生 (良性瘤) , 應該係好小事. 叫我安心D… 跟住幫我個肝照多次照聲波, 結果係佢睇唔到有野…
我而家好糾結… 究竟等唔等一個月等政府幫我照CT + 顯影定係… 自己比錢出去做呢…
你地會點做呢
自己俾錢出去做一次啦，起碼會快D知道答案，唔洗成日心掛掛，心情會影響病情。
睇完我都好驚. 我呢2個星期都不停胃痛. 但我約左2個私家都好遲先睇得…
不過我覺得如果你想要安心真係要用D錢出去私家照會快好多
有保險嘅，即去私家照
無保險嘅，就睇你心態
搶心嘅睇私家
唔搶心嘅，等政府
政府refer去私人指定醫療中心照會平少少，
好快有result, 但你仲要等見政府醫生，
建議你拎個result 去睇私家，私家都唔係即日約、當個禮拜就見到醫生，
你有冇醫健通（唔記得係唔係咁叫），到時睇私家都會即場教你點做，有呢個account 私家醫生可以睇埋你係政府病歷同ct result
我有保險, 但應該都要跌D 錢.
我糾結, 因為政府醫生同私家醫生都話, 等1~2個月先去政府照CT 係唔影響病情.
只係我真係好心急… 1個月… 我望住個日曆, 我真係好無奈…
有保險就搵agent睇私家，唔好諗賠足先用，醫保係俾你有選擇權同埋幫補醫療開支，至於賠唔賠足就另講
我有用醫健通, 醫健通 RECORD 已經比左私家醫生睇, 佢同我講, 佢幫我照CT 肝, 大前提只要肝無事, 就即時幫我做埋膽囊. 3日2夜就可以完成.
問題係, 究竟我等1個月響政府問CT, 定而家比錢出去照CT呢…私家…應該可以早3星期知道結果…
私家醫生覺得, 政府排到8月底比我照CT, 咁不如等, 因為1-2個月係唔會影響病情.
俾錢出私家照
無野緊要得過健康身體
加油樓主
咁不如去私家做左ct先，再決定點做，當年我屋企人全身ct,差唔多一萬，私家應該只建議你做腹部ct? 應該可以平啲
政府比得你8月已好快，私家講嘅亦冇錯，當年家人排到政府一個月後做手術（我地已confirm係cancer)，我地都有問私家會唔會影響病情，私家都話唔會，咁又真係無。
而家睇你情緒捱唔捱到3星期
我要做既…CT… 政府醫生話係…專 針對CANCER … CT+顯影水… 所以應該1萬都走唔甩, 因為要入院用藥照.
可以等
如果有保險cover,即照同攞多個意見
命嚟架… 如果有保險+有能力俾$埋尾… 去私家啦… 祝你旱日康復…
我同你情況一樣，有膽石，但家庭醫生、醫院醫生、專科醫生都覺得我係胃痛而唔關膽石事，尤其初頭染到有菌，但完咗treatment 無哂菌都繼續痛，佢哋都懷疑係膽石。
不過胃痛同膽石痛係唔同，前者係無間斷、後者係一下一下拿住，我係前者，所以佢哋仍focus 喺我胃，之後換咗胃藥食多一排先唔痛。
我情況有D唔同…
我既痛, 係好痛, 痛好幾個鐘, 食胃既止痛藥都無用止唔到痛
我個膽囊既問題好明顯, 因為只有1粒石, 但好大, 大到坐住左響個膽囊底部已經唔會走黎走去. (起碼唔會塞住D 管道, 引起突發風險) 但果粒石太大, 當我食左野之後, 膽囊就會自動bi D 膽汁出黎幫助消化.
但佢一bi, 一收縮, 就磨到粒石, 但又bi 唔出膽汁, 所以只有磨… 就會痛. 只要胃有食物就唔舒服.
但因為我形容唔到, 分唔到係咩痛…所以醫生覺得係膽痛…
樓主，錢負擔到嘅，建議去私家照
我十年前左右，又係成日胃痛（劇痛嗰隻，試過幾次都係痛成日），維持咗一年，睇哂醫生食止痛藥胃藥嗰啲完全無用，試過痛到休克暈低咗，終於有次三日內去咗兩次港安睇急症（因為有日係去澳門玩，一上船食完個早餐就痛，痛到夜晚11點幾，期間有嘔），急症室醫生話唔尋常，因為我嘔到脫水，要即刻留院check, 吊鹽水，驗血，result係肝功能高過正常5-6倍，即刻安排第二日照MRI，最後發現原來膽石，醫生都話其實我個情況都幾危險，好彩嘅係個肝無drop落去，最後等咗兩日個肝功能指數正常無咗高就即刻做割膽囊手術，好驚裡面有成300粒膽石
如果情況唔許可要排嘅，呢段時間盡量食啲流質嘢，唔好食太飽，祝你早日康復
我嗰粒都係好大，但醫生話大唔擔心，反而細先會痛，當然人人case 都唔同。祝福你，身體健康。
當我決定去比錢私家照肝時。。。。。而家唔洗再糾結了，我會耐心地等到月底去政府照。。。因為
我確診武肺。。。。shxt
而家呢d叫有錢都無用
自己一個人居家隔離中。。。同panadol 幸福傷風素 同探熱針過著日子中
今天係確診第5天。。。 隔離第4天 。。 仍然2條線。。。
媽呀。。。。
真係人算不如天算