你啱，佢衰在走去問人
我當年20歲第一次做姊妹，唔識大體無比到人情，以後自己諗返起都一直介意，但已經過左氣補唔返。
如果大家身邊有年輕男女做人兄弟姊妹，大家真係要多多提醒下，少少地做市價都要。
2個讚
你問前期望佢答咩？本身預設得兩個答案架啫，‘’係呀跌咗”，‘’無呀無跌”
我自己結婚時，都發現有兩個人無俾人情，咁點？都係由佢架啦，邊會咁肉酸走去問賓客有冇俾／負責坐門口嘅兄弟姐妹有冇收過。
5個讚
樓主意思係少左一封所以就問負責收人情既姊妹有無機會跌左唔知係邊。其實問來無意思，如果真係跌左係擺酒既地方，唔通打去問有無見過封利是？清場時執到就會通知返主人家。咁樓主又無收到通知。問朋友人地都唔知點答佢好，搞到大家老尷
如果係我發現少左個幾封，就唔會問人，除非係大量或全部人情唔見左就會查下原因。
3個讚
正解，知嚟做咩呢，
當跌咗咪算囉。
仲要提返起，想講人哋失禮，
長輩話唔俾禮就失禮，
但相處唔係咁一黑一白。
你最失禮
1個讚
佢會唔會係第一次做姊妹？或者之前佢幫其他人做姊妹人哋叫佢唔使俾人情？
有啲人真係唔熟行情，上次我喺香港幫個老表做姊妹，其中一個姊妹係鬼妹仔，唔單止人情，佢連我哋當日有咁多工作佢都覺得好surprise，因為佢話喺外國佢做姊妹真係諗住做個靚靚佈景板影相㗎咋
不過咁，做得我姊妹咁熟嘅朋友，就算我要貼錢都想佢哋嚟見證我嘅婚禮
2個讚
唔知樓主親戚朋友係咪全部有俾人情呢
的確我身邊大多數人都唔會回番「回禮利是」
我屋企我夫家都無
係得一位朋友屋企有呢個習慣
唔係，人哋俾真係人情，唔俾亦唔洗你原諒囉，佢做錯咩要你原諒？錯在黎幫你手做姐妹？
2個讚
跌咗個理由都唔成立啦
點會唔知你問咩
唔係張帖入面已經俾埋?
女家就有回禮利是+餅咭，男家淨係回禮利是。
定係講平時買禮物去人地屋企果D責禮利是? 我阿媽興責返利是，99依邊就一時時，記得先回。
2個讚
根本一日咁多賓客，正常人都唔會知係跌咗定無收，咪玩啦唔通負責嗰個姐妹話：係呀，我睇住跌咗喺邊度邊度呀，不過特登唔執返
知就一早執咗啦，所以佢問嚟都多餘，根本就係好在意個姊妹無做禮想嚟圍爐
2個讚
我地講緊去人地屋企送禮呢種，
試過拜年時有親戚往年回開利是，有一年係利是封入面冇錢，我阿媽出名迷信，都係講句大吉大利就無左件事。邊會好似樓主咁搵返當事人問咁失禮
2個讚
我覺得樓主應該開口問姊妹前出POST問下我地，而唔係問左之後出POST俾人笑囉~
所有野都太遲喇
故事教訓你: 唔好太自以為是
BTW, 樓主唔係唯一，我都有個識左廿年既朋友同佢差不多。佢通知我新鋪開張，俾埋時間地點，我就即時恭喜下，開張果日佢打電話問我個花籃咁晏都未到既？我答佢我冇訂喎，你想要呀？真係好笑。跟住就疏遠左佢。
11個讚
咁厚面皮都得嘅
係呀我講緊平時送禮果d “責禮利是”
厚面皮先有發達！佢依家係有3間分店既老闆，我就高攀唔起喇，所以約親我都唔得閒。
2個讚
家下其實係咪老奉要夾錢比你做場結婚show
人問得出口嗰下好嘢
係我都唔會問
當年有個舊同學無俾人情
同時間係一堆用過嘅物資袋中搵到幾封人情
都唔知係無俾定跌咗
但都無追究了，最緊要當晚大家開心
你不如同佢講番你唔係追人情，當日幫手做姐妹多謝都嚟唔切，搵日再一齊食飯，但等件事凋淡啲先，唔好屈佢請你食喇
1個讚